नैरोबी (केनिया) - आफ्रिका आणि पश्‍चिम आशियाई देशांना वाळवंटी टोळधाडीच्या संकटाचा सामना करण्यासाठी जागतिक बँकेने अनुदान आणि कमी व्याजदराच्या कर्जाच्या रूपात ५० कोटी डॉलर मंजूर केले.

हाँगकाँग पुन्हा पेटले; चीनची इथही नाचक्की! 

या देशांना टोळधाडीचा सर्वांत मोठा फटका बसला आहे. मैलोनमील क्षेत्रावरील पिके या टोळधाडीत नष्ट झाली आहेत. केनियातील संपूर्ण जनतेसाठी जेवढे अन्न दोन दिवस पुरेल एवढे टोळांच्या झुंडी एका दिवसात फस्त करीत आहेत, असे जागतिक बँकेने सांगितले. म्हणूनच दिजिबुटी, केनिया, इथिओपिया आणि युगांडा या देशांना १६ कोटी डॉलर तातडीने देण्यात येणार आहेत, असे बँकेचे वरिष्ठ अधिकारी हॉगलर क्रे यांनी गुरुवारी (ता. २१) सांगितले. येमेन, सोमालिया आणि अन्य बाधित देशांना गरजेनुसार मदत देण्यात येणार असल्याचेही ते म्हणाले. दरम्यान, पूर्व आफ्रिकेतील दोन कोटीपेक्षा अधिक नागरिकांना या संकटामुळे अन्नाची टंचाई तीव्र जाणवणार आहे.

कोरोनाची जगातली परिस्थिती : जाणून घ्या एका क्लिकवर

टोळधाड घोंघावतेय

• पूर्व आफ्रिका, पश्‍चिम व दक्षिण आशियातील २३ देश बाधित
• आफ्रिकी देशांना या वर्षअखेरीस ८.५ अब्ज डॉलरचा फटका
• धाड रोखण्यास यश; तरी २.५ अब्ज डॉलरचे नुकसान अपेक्षित

१५० किमी रोजचा प्रवास
२५० किमी झुंडीची लांबी