वॉशिंग्टन - अमेरिकेत पुन्हा एकदा बेछूट गोळीबाराची घटना घडली आहे. विस्कॉन्सिनमधील एका मॉलमध्ये शुक्रवारी हा गोळीबार झाला. यामध्ये 8 जण गंभीर जखमी झाल्याचे समजते. अद्याप या प्रकरणी गोळीबार करणाऱ्या व्यक्तीला ताब्यात घेण्यात आलेलं नाही. गोळीबारानंतर हल्लेखोर पळून गेला असून सध्या पोलिस चौकशी करत आहेत.
नगराध्यक्ष डेनिस मॅकब्राइड यांनी दिलेल्या माहितीनुसार, विस्कॉन्सिनमधील मिलवॉकी इथल्या मेफिल्ड शॉपिंग मॉलमध्ये अचानक गोळीबार सुरू झाला. त्यावेळी मॉलमध्ये असलेली लोकं घाबरून गेले. या गोळीबारात 8 जण जखमी झाले असून कोणाचा मृत्यू झाला नसल्याचे सांगण्यात येत आहे.
गोळीबाराची घटना घडताच पोलिसांनी संपूर्ण परिसराला घेराव घातला. तरीही पोलिस हल्लेखोराला पकडू शकले नाही. जवळपास 75 पोलिसांचा फौजफाटा घटनास्थळी दाखल झाला होता. सोशल मीडियावर व्हायरल होत असलेल्या व्हिडिओमध्ये जखमींना स्ट्रेचरवरून नेत असलेलं दिसत आहे.
याआधी अनेकदा अमेरिकेत गोळीबाराच्या घटना घडल्या आहेत. सप्टेंबर महिन्यातही असाच एका मॉलमध्ये गोळीबार झाला होता. इंडियाना मॉलमध्ये झालेल्या गोळीबारात एकाचा मृत्यूही झाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.