Asaduddin Owaisi : एआयएमआयएमचे प्रमुख असदुद्दीन ओवैसी अमेरिकेच्या दौऱ्यावर आहेत. ओवैसी त्यांच्या समर्थकांना भेटी देत आहेत. शिकागो येथे आयोजित एका कार्यक्रमात एका तरुणाने ओवैसींना पाकिस्तानी मुस्लिमांबद्दल विचारले. यावर ओवैसी यांनी रोखठोक उत्तर दिले. यावेळी त्यांनी २६ नोव्हेंबरच्या मुंबई हल्ल्याचा देखील उल्लेख केला.

कार्यक्रमावेळी एका तरुणाच्या प्रश्नावर खासदार असदुद्दीन ओवैसी म्हणाले, देशाची फाळणी झाली तेव्हा आमच्यातील काही वरिष्ठांनी विरोध केला होता. देशाच्या स्वातंत्र्यासाठी आमच्या वरिष्ठांनी बलिदान दिले. जे रझाकार होते ते निघून गेले आणि जे निष्ठावंत होते ते राहिले.

यानंतर ओवैसी यांनी मुंबई हल्ल्याचा उल्लेख करत पाकिस्तानला घेरले. ते म्हणाले, मुंबई हल्ल्याचे हल्लेखोर पाकिस्तानातून आले असून ते कोणीही नाकारू शकत नाही.

यानंतर ओवैसी यांनी संसद भवनाच्या नवीन इमारतीत अखंड भारताच्या नकाशावरही भाष्य केले. अखंड भारताच्या नकाशात पाकिस्तान, बांगलादेश, भूतान आणि अफगाणिस्तानलाही भारताचा भाग दाखवण्यात आले असल्याते त्यांनी स्पष्ट केले.