न्यूयॉर्क - अमेरिकेत नव्याने आढळणाऱ्या कोरोना रुग्णांची संख्या कमी होत असून मास्क वापरण्याचा हा सकारात्मक परिणाम असल्याचे तज्ज्ञांचे म्हणणे आहे. कोरोना रुग्णांची संख्या वाढण्याचे प्रमाण कमी झाले असले तरी या देशात अद्यापही दररोज सरासरी एक हजार जणांचा कोरोनामुळे मृत्यू होत आहे.
- पुण्याच्या बातम्या वाचण्यासाठी येथे ► क्लिक करा
अमेरिकेत सध्या सरासरी दररोज ४३ हजार नवे रुग्ण आढळत आहेत. ऑगस्टच्या सुरुवातीला आढळणाऱ्या रुग्णांपेक्षा हे प्रमाण २१ टक्क्यांनी कमी आहे, अशी माहिती जॉन हॉपकिन्स विद्यापीठाने दिली आहे. जगात अद्यापही अमेरिका, भारत आणि ब्राझील हे देश कोरोनाग्रस्तांच्या संख्येत आघाडीवर असले तरी रुग्णवाढीचा आलेख खाली येत असल्याचेही दिसत आहे.
अमेरिकी नागरिकांमध्ये निर्माण झालेले गांभीर्य, त्यामुळे मास्क वापरण्याचे वाढलेले प्रमाण आणि जनतेची वाढलेली रोगप्रतिकारशक्ती यामुळे हा सकारात्मक बदल घडून येत असल्याचे कॅलिफोर्निया विद्यापीठातील संसर्ग रोग तज्ज्ञ डॉ. मोनिका गांधी यांनी सांगितले. गेल्या दोन आठवड्यांपासून कोरोना चाचणीतून रुग्ण सापडणाऱ्यांचे प्रमाणही ७.३ टक्क्यांवरून ६.१ टक्क्यांवर आले आहे. अमेरिकेत कोरोनामुळे आतापर्यंत एक लाख ७८ हजार जणांचा मृत्यू झाला असून कोरोनाबाधितांची संख्या ५७ लाखांहून अधिक झाली आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.