एल्वास - कोरोनामुळे सुमारे तीन- साडे तीन महिने बंद ठेवलेल्या सीमा पुन्हा खुल्या करण्यास युरोपमध्ये प्रारंभ झाला आहे. स्पेन-पोर्तुगाल सीमा उघडण्याचा कार्यक्रम थाटात पार पडला. दरम्यान, युरोपातील ३१ देशांनी बुधवारी लॉकडाउन निर्बंध उठविले असून १५ देशांत बाहेरील नागरिकांना प्रवेश दिला जात आहे.
- पुण्याच्या बातम्या वाचण्यासाठी येथे ► क्लिक करा
येथील कार्यक्रमास स्पेनचे पेंड्रो सॅंचेझ व पोर्तुगालचे अँटोनिओ कोस्टा हे उभय पंतप्रधान, पोर्तुगालचे अध्यक्ष मार्सेलो रिबेलो डी सौसा आणि स्पेनचे राजे फेलिपी हे मान्यवर उपस्थित होते. स्पेनमधील बॅडाजोझ येथील सीमा खुली करण्यात आली. तेथे आधी कार्यक्रम झाला.
सर्व नेत्यांनी मास्क लावले होते. दोन्ही देशांचे राष्ट्रगीत वाजविण्यात आले तेव्हा त्यांनी मास्क काढले होते. नंतर या नेत्यांनी मुरीश किल्ला, बॅडाजोझ येथील संग्रहालयाला भेट दिली. त्यानंतर ते २० किलोमीटर अंतरावरील एल्वास येथील १४ व्या शतकातील किल्ला पाहण्यास गेले.
युरोपात स्पेनला कोरोनाचा मोठा फटका बसला आहे. सुमारे अडीच लाख रुग्ण व २८ हजार ३०० बळी अशी तेथील आकडेवारी आहे. गेल्या आठवड्यात सुमारे दोन हजार नव्या रुग्णांची भर पडली. युरोपीय महासंघाने १५ देशांतील प्रवाशांसाठी सीमा खुल्या केल्या आहेत. यात चीनची लवकरच भर पडेल, पण अमेरिकी नागरिकांना बहुतांश देशांत आणखी दोन आठवडे प्रवेश मिळणार नाही.
चीनबाबतही देवाणघेवाणसारखे धोरण असेल. त्यासाठी चीनने युरोपीय प्रवाशांना त्यांच्या देशात येण्याची मंजुरी देणे आवश्यक आहे.
युरोप ‘ऑन’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.