विविध भागांतील २३ स्फोटांमध्ये आठ जणांचा मृत्यू; ३१ जखमी
काबूल - दहशतवाद्यांनी मोटारींमधून केलेल्या तोफगोळ्यांच्या माऱ्यांनी आज अफगाणिस्तानची राजधानी असलेले काबूल शहर हादरून गेले. शहराच्या विविध २३ भागांमध्ये झालेल्या या हल्ल्यात आठ नागरिकांचा मृत्यू झाला, तर ३१ जण जखमी झाले.
- पुण्याच्या बातम्या वाचण्यासाठी येथे ► क्लिक करा
अफगाणिस्तानच्या अंतर्गत मंत्रालयाने दिलेल्या माहितीनुसार, दोन मोटारींमध्ये बसून आलेल्या दहशतवाद्यांनी फिरत्या तोफांच्या साह्याने हे आज सकाळी हल्ले केले. विविध देशांचे दूतावास असलेल्या वझिर अकबर खान भागालाही त्यांनी लक्ष्य केले. या हल्ल्यांची जबाबदारी कोणत्याही दहशतवादी संघटनेने अद्यापपर्यंत स्वीकारलेली नाही. या हल्ल्यांमागे हात नसल्याचा खुलासा तालिबाननेही तातडीने केला. पोलिसांचा संशय ‘इसिस’वर असून गेल्या काही दिवसांत झालेल्या हल्ल्यांची जबाबदारी त्यांनी स्वीकारली होती.
आजच्या साखळी हल्ल्यांच्या एक तास आधी काबूलच्या पूर्व भागात एका मोटारीत लपवून ठेवलेल्या बाँबचा स्फोट होऊन एका सुरक्षा अधिकाऱ्याचा मृत्यू झाला होता. अफगाणिस्तान सरकार आणि तालिबान यांच्यात कतार येथे शांतता चर्चा सुरु असतानाच अफगाणिस्तानातील हल्ले वाढत असल्याने चिंता व्यक्त होत आहे. अमेरिकेच्या मध्यस्थीने होत असलेल्या या चर्चेमध्ये संघर्ष कमी करण्याचे आवाहन अमेरिकेने वारंवार केले आहे. तालिबानने याकडे कधीही लक्ष दिलेले नाही. तालिबानी दहशतवादी अद्यापही जवळपास रोजच सरकारी अधिकाऱ्यांना लक्ष्य करत हल्ले करत आहे. शांतता चर्चा सुरु करण्याआधी संघर्ष थांबवावा, असे आवाहन केले जात असले तरी तालिबानला ते मान्य नाही. शस्त्रसंधी हा चर्चेचाच भाग असावा आणि चर्चा समाधानकारक होत असेल तरच संघर्ष थांबेल, असे त्यांचे म्हणणे आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.