बीजिंग : जगभरात दोन वर्षांपासून कोरोना महामारीच्या थैमानानंतर आता कोरोना रुग्णांची संख्या आटोक्यात आलेली असताना चीनमधून जगाची चिंता वाढवणारी बातमी समोर येत आहे. चिनमध्ये रविवारी 3,393 नवीन कोरोना रुग्णांची सख्या नोंदवली गेली, राष्ट्रीय आरोग्य आयोगाने सांगितले की, फेब्रुवारी 2020 नंतरचा सर्वाधिक दैनिक आकडा आहे.

चीनमध्ये एका दिवसात इतके रुग्ण आढळले असल्याने चिंता वाढली असून आता या वेगाने संसर्ग पसरत राहिल्यास आगामी काळात जगाच्या समस्याही वाढू शकतात, अशी भीती व्यक्त केली जात आहे. सध्या चीन वगळता जवळपास सर्वच देशांनी कोरोनावरील निर्बंध उठवले आहेत. देशभरात कोरोना रुग्णांची सख्या वाढल्याने चिनी शासकिय अधिकाऱ्यांनी शांघायमधील शाळा बंद केल्या आहेत आणि अनेक ईशान्येकडील शहरांत लॉकडाऊन करण्यात आले आहे. कारण देशातील 10 प्रांतांमध्ये कोरोना रुग्णांची संख्या झपाट्याने वाढत आहे.