कॅनबेरा- चिनी पर्यटक आणि विद्यार्थ्यांद्वारे देशाला मिळणारे राजस्व रोखण्याची धमकी चिनने ऑस्ट्रेलियाला दिली होती. यावर ऑस्ट्रेलियाने कडक शब्दात चीनला प्रत्युत्तर दिलं आहे. तुमच्या धमक्यांना आम्ही भीक घालत नाही, असं म्हणत ऑस्ट्रेलियाचे पंतप्रधान स्कॉट मॉरिसन यांनी पलटवार केला आहे. ते एका मुलाखतीत बोलत होते.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा

कोरोना महामारीच्या पार्श्वभूमीवर ऑस्ट्रेलियामध्ये चिनी लोकांवरील हल्ले वाढले आहेत. त्यामुळे चीन संतापला असून ऑस्ट्रेलियाला असे नक्षलवादी हल्ले रोखण्यास सांगितलं आहे. तसेच चिनी लोकांनी ऑस्ट्रेलियामध्ये पर्यटनासाठी जाऊ नये असा सल्ला दिला आहे. तसेच चिनी विद्यार्थ्यांकडून ऑस्ट्रेलियाला मिळाणारा राजस्व रोखण्याचा इशारा दिला आहे. त्यामुळे दोन्ही देशांमधील व्यापारी संबंध अधिक ताणले गेले आहेत. 
--------
दिल्लीतील जामा मशिद 'या' तारखेपर्यंत बंदच 
--------
कोरोनावर औषध तयार; दहा देशांकडून औषधांची मागणी
--------
पंतप्रधान मॉरिसन यांनी यांनी एका मुलाखतीमध्ये चीनवर पलटवार केला आहे. चीनने केलेला दावा हास्यास्पद आहे आणि त्याचा स्वीकार केला जाऊ शकत नाही. चीनसोबत आमचे महत्वपूर्ण व्यापारी संबंध आहेत, आणि ते आम्ही पुढे चालू ठेवू इच्छितो. पण चीनने दिलेल्या धमक्यांना आम्ही भीक घालणार नाही, असं मॉरिसन म्हणाले आहेत.  

चीन हा ऑस्ट्रेलियाचा सर्वात मोठा व्यापारी भागेदार देश आहे. त्यामुळे चीनने विद्यार्थ्यांना दिलेल्या सूचना ऑस्ट्रेलियावर मोठा प्रभाव पाडू शकतात. गेल्या काही दिवसांपासून चीन आणि ऑस्ट्रेलियामधील संबंध ताणले गेले आहेत. काही दिवसांपूर्वी ऑस्ट्रेलियाने कोरोना विषाणूची उत्पत्ती आणि त्याची हाताळणी याबाबत आंतरराष्ट्रीय चौकशीची मागणी केली होती. त्यामुळे चीन ऑस्ट्रेलियावर नाराज झाला आहे. त्यामुळे या दोन्ही देशांमधील संबंध अधिक बिघडत चालले आहेत.