बीजिंग - कोरोनाव्हायरसच्या संसर्गामुळे चीनमधील मृतांची संख्या 41 वर पोहोचली असून, या विषाणूची लागण झालेल्यांचा आकडा 1 हजार 287 वर पोहोचला आहे. तसेच या विषाणूच्या प्रादुर्भावामुळे 237 जणांची प्रकृती गंभीर असल्याचे चीनच्या राष्ट्रीय आरोग्य आयोगाने शनिवारी सांगितले. 

ताज्या बातम्यांसाठी डाऊनलोड करा ई-सकाळचे ऍप

मृतांमधील 39 जण हे एकट्या हुबेई प्रांतातील असून एक जण ईशान्य प्रांतातील हेलॉन्जियांग येथील असल्याची माहिती आयोगाने दिली. कोरोनाचा प्रादुर्भाव झालेल्या रुग्णांची संख्या वाढत चालली असून, त्यावर अद्याप कुठलाही उपचार सापडलेला नाही. त्यातच कोरोनाव्हायरसची लागण झालेल्यांचा आकडा 1300 वर पोहोचला असून आणखी एक हजार 965 संशयीतांना या विषाणूचा संसर्ग झाल्याची शक्‍यता असल्याचेही आयोगाने सांगितले. 

‘कोरोना’चा विळखा वाढला

चीनने या विषाणूचा प्रादुर्भाव रोखण्यासाठी तसेच या रोगाच्या रुग्णांच्या उपचारासाठी 1 हजार खाटांचे रुग्णालय केवळ 10 दिवसांत बांधण्याचा निर्णय घेतला असून वुहान आणि हुबेई प्रांतातील इतर बारा शहरांमध्ये या विषाणूचा प्रादुर्भाव रोखण्यास आणि त्याच्या संशयीतांना उपचार सुविधा उपलब्ध करुन देण्यासाठी सैन्य चिकित्सक तैनात करण्यास सुरवात केली असल्याचेही आयोगाने सांगितले. 

'मोदींचा हिंदू राष्ट्रनिर्मितीचा प्रयत्न'; अमेरिकेतल्या उद्योगपतीची टीका 

दरम्यान चीनने देशभरातील सार्वजनीक वाहतूकीच्या ठिकाणी या रोगाची लक्षण असलेला संशयीत रुग्ण अढळल्यास त्याला तात्काळ रुग्नालयात दाखल करण्याच्या सूचन दिल्या असल्याचेही अधिकाऱ्यांनी सांगितले. 

या विषाणूचे संशयीत रुग्ण हॉंगकॉंग, मकाऊ, तैवान, नेपाळ, जपान, सिंगापूर, दक्षिण कोरिया, थायलंड, व्हिएतनाम आणि अमेरिकेत अढळले असून अमेरिकेत दोन जणांना याची लागण झाली असून, फ्रान्समध्येही दोन संशयीत रुग्ण अढळले आहेत. तर शुक्रवारी जपानने एकाला या विषाणूची लागण झाल्याची पुष्टी केली आहे. या रोगाचे चार संशयीत रुग्ण ऑस्ट्रेलियातही अढळल्याचे येथील आरोग्य अधिकाऱ्यांनी सांगितले. यातील तीन रुग्णांना कोरोनाची लागण झाल्याचे स्पष्ट झाले. 

आणखी वाचा - केजरीवालांचा अमित शहांना टोला; 'सर चार्जिंगची सुविधाही केलीय'

भारतात आकरा संशयीत रुग्ण 
गेल्या काही दिवसांत चीनचा दौराकरून परतलेल्या आकरा जणांमध्ये कोरोना या विषाणूची लक्षणे अढळली असून त्यांच्यावर रुग्णालयातील विशेष विभागात उपचार सुरू असल्याचे आरोग्य अधिकाऱ्यांनी सांगितले. यामधील सात जण केरलचे, दोन जण मुंबईचे एक बंगळुरू आणि एक जण हैदराबादचा असल्याचे अधिकाऱ्यांनी सांगितले. दरम्यान मुंबई येथील दोन्ही आणि बंगळुरू आणि हैदराबाद येथील रुग्णांना कोरोनाची लागण झाली नसल्याचे समोर आले आहे. तसेच केरळमधील 73 जणांना कोरोनाची लागण झाल्याच्या संशयावरून त्यांच्यावर वैद्यकीय पाळत ठेवली जात असल्याचे येथील अधिकाऱ्यांनी सांगितले. दरम्यान शनिवारी केंद्रीय आरोग्यमंत्री हर्षवर्धन यांनी पंतप्रधान कार्यालयातील अधिकाऱ्यांशी कोरोना विषाणूशी संबंधित मुद्द्यांवर तसेच भारतातील प्रतिबंधात्मक व्यवस्थापनावर चर्चा केल्याची माहिती सूत्रांनी दिली.