बीजिंग - कोरोना विषाणूच्या संसर्गामुळे चिनी ड्रॅगन चांगलाच फणफणला आहे. चीनमध्ये या विषाणूने आतापर्यंत ४२५ जणांचा बळी घेतला असून, २० हजार ४३८ इतक्या लोकांना याची लागणी झाली आहे. सोमवारी दिवसभरामध्ये ६४ जण मरण पावले असून, ३ हजार २३५ जणांना नव्याने विषाणूचा संसर्ग झाल्याचे चीनच्या आरोग्य मंत्रालयाकडून जाहीर करण्यात आले. ‘कोरोना’चा मोठा फटका जागतिक अर्थकारणालादेखील बसण्याची शक्यता लक्षात घेऊन जागतिक बॅंकेने या विषाणूविरोधात सर्वच देशांनी एकवटण्याची गरज असल्याचे म्हटले आहे.
भविष्यातील या आजाराचा उद्रेक टाळण्यासाठी सर्वच देशांनी त्यांच्या आरोग्य यंत्रणा अधिक सक्षम करण्याची आवश्यकता असल्याचे जागतिक बॅंकेने प्रसिद्ध केलेल्या निवेदनामध्ये म्हटले आहे. या विषाणूमुळे प्रभावित झालेल्या देशांना तातडीने आर्थिक आणि तांत्रिक मदत पुरविण्यासाठी जागतिक बॅंकेने पुढाकार घेतला असून, आंतरराष्ट्रीय भागिदारांसोबत समन्वय ठेवून यावर मार्ग शोधला जात आहे. याआधी २००२ ते २००३ या वर्षीदेखील ‘सार्स’च्या विषाणूने असाच धुमाकूळ घालत जगभरामध्ये आठशे लोकांचे प्राण घेतले होते. आता कोरोना विषाणूने वीस देशांमध्ये हातपाय पसरले असून, यामुळे आशियातील आर्थिक महासत्ता असलेल्या चीनचे कंबरडे मोडू शकते.
जागतिक अर्थकारणावरदेखील याचा परिणाम होणे अपरिहार्य असल्याचे जागतिक बॅंकेने म्हटले आहे.
चीन आणि जगामध्ये कोरोनाचा विषाणू आज ज्या वेगाने पसरतो आहे, हे लक्षात घेता पुढील दहा ते चौदा दिवसांमध्ये त्याचा वेग आणखी वाढू शकतो. पुढील दोन आठवड्यांमध्ये या विषाणूंचा अधिक वेगाने प्रसार होणार आहे.
- झोंग नानशान, चीनमधील आरोग्यतज्ज्ञ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.