मॉस्को : एक महिला घराबाहेर झोपली असताना घोरत होती. घोरताना तोंड उघडे राहिल्यामुळे सापाने तोंडातून पोटात प्रवेश केला. घशामध्ये हालचाल होऊ लागल्यानंतर महिलेला जाग आली. डॉक्टरांनी उपचारादरम्यान सापाला बाहेर काढले आहे. संबंधित व्हिडिओ सोशल मीडियावर व्हायरल झाला आहे.
स्थानिक प्रसारमाध्यमांनी दिलेल्या वृत्तानुसार, दागिस्तान येथील एक महिला आपल्या घराच्या अंगणात झोपली होती. झोपेत असताना घोरू लागल्यानंतर तोंड उघडे राहिले. यावेळी महिलेच्या तोंडातून 4 फूट लांबीचा साप शिरला. घशातून खाली जाऊ लागल्यानंतर हालचालीमुळे तिला जाग आली. घाबरल्यामुळे ओरडताही येत नव्हते. नातेवाईकांनी पाहिल्यानंतर डॉक्टरांना बोलावले. डॉक्टर घरी आल्यानंतर त्यांनी कौशल्य पणाला लावत सापाला महिलेच्या तोंडामधून बाहेर काढले. विशेष म्हणजे महिला आणि सापाला कोणत्याही प्रकारची इजा झाली नसून, दोघेही जिवंत आहेत. उपस्थितांनी संबंधित घटना मोबाईलमध्ये कैद केली असून, व्हिडिओ व्हायरल झाला आहे. नेटिझन्स डॉक्टरचे अभिनंदन करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.