वॉशिंग्टन - हायड्रॉक्सीक्लोरोक्वीनचा (एचसीक्यू) दोन आठवड्यांचा कोर्स मी नुकताच पूर्ण केला. सांगायचा मुद्दा असा की मला जे काही ज्ञान आहे त्यानुसार मी अजूनही इथे आहे, असे आपल्या स्वभावाला साजेसे वक्तव्य अमेरिकेचे अध्यक्ष डोनाल्ड ट्रम्प यांनी केले. त्यांनी एका टीव्ही शोसाठीशेरील ॲटकीन्सन यांना मुलाखत दिली. शुक्रवारी छायाचित्रण झालेला कार्यक्रम रविवारी दाखविण्यात आला. ट्रम्प ७३ वर्षांचे असून कोरोनाचा सर्वाधिक धोका असलेल्या वयोगटात ते येतात. मलेरियावरील हे औषध घेण्याबाबतव्हाइट हाउसच्या डॉक्टरांची स्पष्ट शिफारस नसतानाही आपल्या वैयक्तिक डॉक्टरांशी प्रदिर्घ सल्लामसलत करून त्यांनी एचसीक्यू घ्यायचे ठरविले.
एचसीक्यूच्या जोडीला जस्ताचे एक सप्लीमेंट घेतल्याची नवी माहितीही त्यांनी दिली. आपल्यादृष्टिने एचसीक्यूचे परिक्षण विलक्षण आणि अमाप कौतुकाचे आहे, असेही त्यांनी आवर्जून सांगितले.
एचसीक्यूची उपयुक्तता अद्याप सिद्ध झाली नसल्याने अन्न आणि औषध प्रशासनाने २४ एप्रिल रोजी गोळी घेऊ नये अशी सूचना दिली जनतेला केली होती. रुग्णालयाच्या बाहेर तसेच वैद्यकीय चाचणीचे प्रयोजन नसल्यास ही गोळी घेऊ नये, असे सांगण्यात आले होते.
व्हाइट हाउसमधील दोन कर्मचाऱ्यांना जवळपास एकाच सुमारास कोरोनाची बाधा झाली. त्यामुळे एचसीक्यूचा कोर्स करायचे मी ठरविले. या गोळीच्या उपयुक्ततेबाबत मला तेवढा विश्वास होता.
- डोनाल्ड ट्रम्प, अमेरिकेचे अध्यक्ष
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.