पॅरिस : पंतप्रधान नरेंद्र मोदी हे सध्या फ्रान्सच्या दौऱ्यावर आहेत. या ठिकाणी फ्रेन्च सैन्याच्या परेडमध्ये सहभागी झाले. या ठिकाणी मोदींचं चांगल स्वागत झालं. या परेडमध्ये प्रमुख पाहुणे म्हणून सहभागी झाल्याबद्दल फ्रान्सचे राष्ट्रपती इमॅन्युएल मॅक्रॉन यांनी PM मोदींचे या सोहळ्याचा उपस्थित राहिल्याबद्दल चक्क हिंदीत ट्विट करत आभार मानले. तसेच भारताचं त्यांनी विशेष शब्दांत कौतुक केलं. (Emmanuel Macron French President thanked India tweeted in Hindi)

मॅक्रॉन यांनी हिंदीत ट्विट करत म्हटलं की, "जगाच्या इतिहासात एक विशालकाय, भविष्याबाबत निर्णायक भूमिका निभावणारा देश, रणनीतीतील सहकारी मित्र असलेल्या भारताला या वर्षी १४ जुलैच्या परेडमध्ये पाहुणा म्हणून सन्मानित करताना आम्हाला आनंद होत आहे" (Latest Marathi News)

मोदींना मिळाला फ्रान्सचा सर्वोच्च पुरस्कार

फ्रान्सचे राष्ट्राध्यक्ष इमॅन्यूएल मॅक्रॉन यांच्या हस्ते पंतप्रधान नरेंद्र मोदी यांचा फ्रान्सचा सर्वोच्च पुरस्कार 'ग्रँड क्रॉस ऑफ द लीजन ऑफ ऑनर'ने सन्मानित करण्यात आलं आहे. हा सन्मान मिळवणारे पंतप्रधान मोदी हे पहिलेच भारतीय पंतप्रधान आहेत. (Marathi Tajya Batmya)

भारतीय विद्यार्थ्यांसाठी मोठी घोषणा

दरम्यान, पॅरिस इथं अनिवासी भारतीयांशी बोलताना PM मोदी म्हणाले, "ज्या विद्यार्थ्यांना फ्रान्समध्ये पदव्युत्तर पदवीचं शिक्षण अर्थात मास्टर्स डिग्री करायची इच्छा आहे. त्यांच्यासाठी आता दीर्घकालीन पाच वर्षांचा व्हिसा देण्यात येणार आहे, अशी मी घोषणा करतो"