तेहरान (इराण) : जगभरात कोरोना व्हायरमुळे अनेकांना जीव गमवावा लागत आहे. कोरोनावर अद्याप लस उपलब्ध झाली नसून, संशोधन सुरू आहे. मात्र, अल्कोहोल प्यायल्यामुळे कोरोना बरा होतो, अशी अफवा तेहरानमध्ये पसरली आणि तब्बल 728 जणांना जीव गमवावा लागला.

'महिलांची कमी कपडे अन् चुकीच्या कामामुळेच कोरोना'

इराणमध्ये सोशल मीडियाच्या माध्यमातून एक अफवा पसरली होती. अल्कोहोल प्यायल्यामुळे कोरोना होत नाही, अशी अफवा पसरली होती. या अफवेवर विश्वास ठेवून अनेकजण इंडस्ट्रियल अल्कोहोल प्यायले. यानंतर अनेकांना त्रास होऊ लागला. अनेकांची दृष्टी गेली तर  728 जणांचा मृत्यू झाला. मृतांमध्ये अनेक युवकांचा समावेश आहे, अशी माहिती आरोग्य विभागाने दिली.

प्रेमाची ताकद पाहा; डोळ्यात येतील अश्रू...

इराण आरोग्य मंत्रालयाचे प्रवक्ता कियानौश जहापौर यांनी सांगितले की, 'अफवेतून तब्बल 5011 जणांनी इंडस्ट्रियल अल्कोहोल प्यायले होते. अनेक पालकांनी आपल्या मुलांनाही ही दारू प्यायला दिली. यापैकी 90 जणांची दृष्टी गेली आहे. अफवेनंतर अनेकांना दारू न मिळाल्याने मिथेनॉल प्यायले. यामुळे नागरिकांना जीव गमवावा लागला आहे. कोणीही अफवेवर विश्वास ठेवू नये.'

मला दोन बायका आहेत; पास देता का...