टोकियो - जपानमध्ये लसीकरण मोहीम संथगतीने होत असल्याने संसर्गाचे प्रमाण वाढत असल्याचे आढळून येत आहे. कोरोनावर नियंत्रण मिळवण्यासाठी आणीबाणीचा विचार झाल्यास ऑलिंपिक स्पर्धा पुन्हा लांबणीवर जाण्याची शक्यता आहे. जपानची लोकसंख्या १२ कोटीपेक्षा अधिक असताना आतापर्यंत २१ लाखापर्यंतच लसीकरण झाले.
कोरोनामुळे टोकियो, ओसाका आणि ह्योगो प्रांतात स्थिती बिघडत आहे. यामागे जपानमध्ये संथगतीने होत असलेले लसीकरण कारणीभूत असल्याचे सांगितले जात आहे. जपानमध्ये आतापर्यंत २० लाख ५४ हजार ८८० जणांना लस देण्यात आली आहे. देशाची लोकसंख्या १२ कोटी ६१ लाख असताना आतापर्यंत १ टक्के नागरिकांना पहिला डोस तर ०.६ टक्के नागरिकांना दोन्ही डोस दिले आहेत. संसर्गामुळे ऑलिंपिक स्पर्धा अडचणीत येण्याची शक्यता आहे. प्रांताच्या गर्व्हनर मंडळींनी आणीबाणी लागू करण्याची मागणी केली. टोकियोत २९ एप्रिल ते ९ मे पर्यंत आणीबाणी लागू होऊ शकते.
सप्टेंबरपर्यंत कोरोना प्रतिबंधक गोळी
ब्रिटनचे पंतप्रधान बोरिस जॉन्सन यांनी येत्या सप्टेंबर-डिसेंबर या काळात कोरोनापासून बचाव करणारी गोळी उपलब्ध होईल, अशी आशा व्यक्त केली आहे. या गोळीमुळे रुग्णालयात दाखल होण्याची गरज भासणार नाही आणि घरातच राहून गोळीचे सेवन करावे लागेल.
कोरोनाची चौथी लाट
ब्राझिल, तुर्कस्तान, फ्रान्स, अर्जेटिना, इराण, कोलंबिया, जर्मनी, इटली, पेरू आणि पोलंड सारख्या देशात दररोज दहा हजाराहून अधिक नागरिक बाधित होत आहेत. त्याचबरोबर कोरोनाची चौथी लाट आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.