न्यूयॉर्क : ब्रिटनमधील प्रतिष्ठेच्या ऑक्सफर्ड विद्यापीठात शिकण्यासाठी दिल्या जाणाऱ्या मानाच्या ऱ्होड्स शिष्यवृत्तीसाठी अमेरिकेतील ३२ विद्यार्थ्यांची निवड झाली असून त्यापैकी चौघे विद्यार्थी भारतीय वंशाचे आहेत.
स्वाती श्रीनिवासन, विजयसुंदरम रामास्वामी, गरिमा देसाई आणि सावनी सांका अशी या विद्यार्थ्यांची नावे आहेत. शिष्यवृत्तीसाठी विद्यार्थ्यांची निवड करण्याची प्रक्रिया पूर्णपूणे ऑनलाइन पद्धतीने झाली. हे सर्व विद्यार्थी पुढील वर्षी ऑक्सफर्ड येथे शिकण्यासाठी जातील. स्वातीने हार्वर्ड विद्यापीठातून तर, रामास्वामीने जॉन हॉपकिन्स विद्यापीठातून पदवी मिळविली आहे.
गरिमा कॅलिफोर्निया विद्यापीठात शिकली आहे, तर सावनी वेक फॉरेस्ट विद्यापीठाची पदवीधर आहे. हे सर्व जण वेगवेगळ्या ज्ञानशाखांचे असून त्यांना ऑक्सफर्ड विद्यापीठात एम. एस्सी. करायचे आहे. ऱ्होड्स शिष्यवृत्तीमार्फत त्यांचा दोन ते तीन वर्षांचा सर्व खर्च केला जाणार आहे. ही शिष्यवृत्ती १९०२ पासून दिली जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.