ओटावा : कॅनडाची राजधानी ओटावात ५० हजार ट्रकचालक आंदोलनकर्त्यांनी पण केला, की पंतप्रधान जस्टिन ट्रुडो यांचा राजीनामा घेईपर्यंत आंदोलन सुरुच राहील. ते म्हणाले ट्रुडो यांना पायउतार व्हावेच लागेल. यापूर्वी पंतप्रधान ट्रुडो आंदोलनकर्त्यांना मुठभर घोषणा देणारे आणि झेंडा फडकवणारे असे म्हटले होते. त्यांनी देशाच्या संसदेत सुरु असलेल्या चर्चेत हे वादग्रस्त विधान केले होते. यामुळे विरोधी पक्षांसह त्यांच्या लिबरल पक्षाचे खासदारही भडकले आणि त्यांच्या राजीनाम्याची मागणी करु लागले. आता आंदोलनकर्त्यांनी 'डेली मेल'शी बोलताना म्हटले, की ट्रुडो यांचे विधान निरर्थक आहे. त्यांनी पण केला आहे, की ओटावा शहरात आंदोलन (Freedom Convoy 2022) ट्रुडो यांच्या राजीनामा आणि मास्क आणि कोरोना लसीची सक्ती मागे घेतल्याशिवाय आंदोलन सुरुच राहिल. (Freedom Convoy Continue Still Canadian PM Justin Trudeau Resignation Said Truck Drivers)

कॅनडा आणि अमेरिकेच्या सीमेवरील व्यापार ठप्प

आंदोलनकर्ता जेरी इगल्स म्हणाले, मला म्हणायचे आहे की ट्रुडो आता कॅनडाच्या(Canada) लोकांच्या संपर्काबाहेर गेले आहेत. त्यांना आमचे नेते असल्याचा हक्क नाही. दुसरा आंदोलनकर्ता म्हणाला, ट्रुडो खोटारडे आहेत आणि ते आईस्क्रिम विकण्यासही योग्य नाहीत.जस्टिन ट्रुडो (Justin Trudeau) हे कॅनडाचे माजी पंतप्रधान पियरे ट्रुडो यांचे पुत्र आहेत. या दरम्यान ट्रकचालकांच्या आंदोलनामुळे कॅनडा आणि अमेरिकेच्या सीमेवरील व्यापार ठप्प झाला आहे. यावर दोन्ही देशांतील प्रशासनाचा विचार आहे की सदरील आंदोलन मोडून काढावे. मिशिगनचे गव्हर्नर ग्रेटचेन व्हिटमर म्हणाले, की माझा निरोप स्पष्ट आहे. रस्त्यावरील ट्राफिक पुन्हा आणली जावी.

दुसरीकडे कॅनडातील ट्रकचालकांचे आंदोलन जगातील दुसऱ्या भागातही पसरले आहे. हे सर्व कोरोना लस घेण्याच्या सक्तीविरोधात आंदोलन करित आहेत. हे आंदोलन कॅनडासह अमेरिका, न्यूझिलंड आणि फ्रान्समध्येही सुरु झाले आहे.