कोरोना (corona) विषाणूवर अद्याप कोणतंही ठोस औषध उपलब्ध झालेलं नाही. मात्र, या विषाणूचा प्रादुर्भाव टाळायचा असेल तर लसीकरण (vaccine) करणं सध्याच्या काळात अत्यंत गरजेचं आहे. अनेक देशांमध्ये लसीकरणाची मोहीम मोठ्या प्रमाणावर राबवण्यात येत आहे. यामध्येच जास्तीत जास्त नागरिकांनी लस घ्यावी यासाठी जनजागृतीही करण्यात येत आहे. यामध्येच हॉगकॉगमध्ये (hong-kong) नागरिकांनी लसीकरणासाठी पुढाकार घ्यावा यासाठी प्रशासनाने भन्नाट ऑफर दिली आहे. (get-corona-vaccine-and-win-10-million-house-unique-offer-in-hong-kong)

जास्तीत जास्त नागरिकांनी लस घ्यावी यासाठी हॉगकॉगमध्ये घरासाठी लकी ड्रॉ कूपनची ऑफर देण्यात आली आहे. लसीकरणासाठी येणाऱ्या नागरिकांमधून एक लकी ड्रॉ काढण्यात येणार आहे. यात भाग्यवान विजेत्याला १४ लाख डॉलर्स म्हणजे जवळपास १० कोटी रुपयांचं घर मिळणार आहे. ही ऑफर हॉगकॉगच्या डेव्हलपर्सद्वारे देण्यात येत आहे.

हॉगकॉगमधील नागरिक लसीकरणासाठी फारसे उत्सुक नसल्यामुळे ही ऑफर देण्यात आली आहे. सिनो ग्रुपच्या एनजी टेंक फोंग चॅरिटेबल फाऊंडेशनसोबत चीनच्या इस्टेट होल्डिंग लिमिटेडने ही ऑफर सुरु केली आहे. क्वान टोंग भागात सिनो ग्रुपचा नवा ग्रॅड सेंट्रल प्रोजेक्ट उभारण्यात येत आहे. या प्रोजेक्टमध्ये नागरिकांना घर देण्यात येणार आहे.

दरम्यान, कोरोनावरील लसींची एक्सपायरी डेट संपत आली आहे. मात्र, तरीदेखील नागरिक लसीकरणासाठी पुढाकार घेत नाहीयेत. म्हणूनच, ही ऑफर देण्यात येत आहे. विशेष म्हणजे आतापर्यंत हॉगकॉगमध्ये केवळ १२.६ टक्के नागरिकांनीच लस घेतली आहे.