ह्युस्टन : पंतप्रधान नरेंद्र मोदी अमेरिकेत संयुक्त राष्ट्रांच्या आमसभेला संबोधित करणार आहेत. या आठवड्यात ते अमेरिका दौऱ्यावर असून टेक्सास मधील ह्युस्टनमध्ये एका कार्यक्रमात सहभागी होणार असून मोदी व अमेरिकेचे राष्ट्राध्यक्ष डोनाल्ड ट्रम्प एकत्रितपणे 50 हजार लोकांना संबोधित करणार आहेत. 

पुण्यातील प्रसिद्ध डॉक्टर पुणे-मुंबई एक्स्प्रेसवेवरील अपघातात ठार

मोदींच्या ह्युस्टनमध्ये होणाऱ्या कार्यक्रमाला #HowdyModi असे संबोधण्यात येत असून, हा हॅशटॅग ट्विटरवर मोठ्या प्रमाणात ट्रेंडिंग आहे. डोनाल्ड ट्रम्प यांच्यासोबत अमेरिकन संसदेतील 50 हून अधिक खासदार आणि गव्हर्नर मोदींच्या या कार्यक्रमात सहभागी होणार आहेत. मेडिसन स्क्वेअर आणि सिलिकॉन व्हॉली येथील कार्यक्रमांनंतर पंतप्रधान नरेंद्र मोदींचा अमेरिकेतील हा तिसरा सर्वात मोठा कार्यक्रम असेल. या कार्यक्रमात अमेरिकेचे राष्ट्राध्यक्षही सहभागी होणार असल्याने हाऊडी मोदी हा कार्यक्रम चर्चेचा विषय ठरणार आहे. तसेच अमेरिकेतील रस्त्यांवर आतापासूनच मोदींचे पोस्टर्स झळकत आहेत.   

ह्युस्टनमध्ये होणाऱ्या या कार्यक्रमात भारत आणि अमेरिकेतील द्विपक्षीय संबंध, व्यापार, संस्कृती यावर चर्चा होणार आहे. या कार्यक्रमात मोदी आणि ट्रम्प यांच्यासोबत अनेक मोठ्या व्यक्तीही सहभागी होण्याची शक्यता आहे. तसेच जगातील दोन देशांचे प्रमुख एकाच मंचावरून हजारोंच्या जनसमुदायाला संबोधित करण्याची ही पहिलीच वेळ असेल.

'महाराज कधीच दिल्लीकरांचे आधीन झाले नाहीत'; पवारांचा उदयनराजेंना टोला