पाकिस्तानचे माजी पंतप्रधान इम्रान खान यांना हाय कोर्टाकडून दिलासा मिळाला आहे. इम्रान खान यांच्या शिक्षेला इस्लामाबाद हायकोर्टाने स्थगिती दिली आहे. इस्लामाबाद उच्च न्यायालयाने (IHC) पाकिस्तान तहरीक-ए-इन्साफ (पीटीआय) चे अध्यक्ष इम्रान खान यांना तोशाखाना प्रकरणात सुनावलेल्या शिक्षेला स्थगिती दिली आहे. याबाबतची माहिती पाकिस्तानच्या जिओ न्यूजने दिली आहे.(Latest Marathi News)

तोशाखाना प्रकरणात तुरुंगात असलेले पाकिस्तानचे माजी पंतप्रधान आणि पाकिस्तान तेहरीक-ए-इन्साफचे नेते इम्रान खान यांना मोठा दिलासा मिळाला आहे. या प्रकरणी इस्लामाबाद उच्च न्यायालयाने त्यांना जामीन मंजूर केला आहे. त्यामुळे इम्रानचा तुरुंगातून बाहेर पडण्याचा मार्ग मोकळा झाला आहे.(Latest Marathi News)

विशेष म्हणजे, इस्लामाबाद उच्च न्यायालयाने (IHC) आज सोमवारी तोशाखाना भ्रष्टाचार प्रकरणी इम्रान खानच्या तीन वर्षांच्या तुरुंगवासाची शिक्षा स्थगित करण्याच्या याचिकेवर आपला निर्णय राखून ठेवला होता. आयएचसीचे मुख्य न्यायाधीश आमिर फारूक आणि न्यायमूर्ती तारिक महमूद जहांगिरी यांच्या खंडपीठाने दोन्ही पक्षांच्या वकिलांचे म्हणणे ऐकून घेतल्यानंतर निर्णय राखून ठेवला होता.

एका ट्रायल कोर्टाने 5 ऑगस्ट रोजी पाकिस्तान तेहरीक-ए-इन्साफ (पीटीआय) चे प्रमुख खान यांना दोषी ठरवून या प्रकरणात तीन वर्षांची शिक्षा सुनावली होती. खान यांच्यावर 2018-2022 च्या कार्यकाळात त्यांना आणि त्यांच्या कुटुंबाला मिळालेल्या सरकारी भेटवस्तूंची बेकायदेशीरपणे विक्री केल्याचा आरोप आहे. या प्रकरणात त्याला सत्र न्यायालयाने दोषी ठरवले होते. त्यांच्यावर पाच वर्षांची राजकारणात बंदी घालण्यात आली आहे. त्यामुळे पुढील सार्वत्रिक निवडणुकीतही ते भाग घेऊ शकणार नाहीत.(Latest Marathi News)