Hamas Top Five commanders killed: तेल अवीववर ७ ऑक्टोबर २०२३ रोजी झालेल्या हमास दहशतवादी हल्ल्याचा, इस्रायली सैन्याने आणखी एक मोठा बदला घेतला आहे. इस्रायली सुरक्षा दलांनी हल्ल्यांमध्ये सहभागी असलेल्या पाच दहशतवाद्यांना ठार मारले आहे. ही कारवाई IDF आणि ISA यांनी संयुक्तपणे केली आहे.

इस्रायली सैन्याने या हल्ल्यात ५ सर्वात भयानक दहशतवाद्यांना ठार केले आहे. यामध्ये इस्लामिक जिहाद दहशतवादी संघटनेच्या बैत हानून बटालियनचा उपकमांडर मुराद नासिर मुसा अबू जरदचे नाव समाविष्ट आहे.

तसेच गाझा शहरातील इस्लामिक जिहादच्या अँटी-टँक युनिटचा उपप्रमुख महमूद शुक्री तैयम हा देखील हल्ल्यात मारला गेला आहे. याशिवाय, मोआत्सिम निदाल अहमद सखलवी यांनाही इस्रायली सैन्याने मारले आहे.

तो PIJ दहशतवादी संघटनेत कंपनी कमांडर म्हणून काम करत होता. तो बैत हानून बटालियनचा ऑपरेटर देखील होता. यासोबतच, हमासचा दहशतवादी आणि बैत हनौन बटालियनमध्ये रॉकेट आणि मोर्टार हल्ल्यांचा प्रमुख असलेला अहमद अब्दुल्ला अतामना देखील मारला गेला आहे. चक या हल्ल्यात आयडीएफने हमासचा आणखी एक कुख्यात दहशतवादी इस्माईल इब्राहिम अब्दुल्ला नईम यालाही मारले आहे, जो बैत हनौनच्या स्नायपिंग स्क्वॉडचा प्रमुख होता.

इस्रायली सैन्याने एक्सला या सर्व कुख्यात दहशतवाद्यांच्या हत्येबद्दल माहिती शेअर केली आहे. सैन्याने सांगितले की ७ ऑक्टोबर २०२३ रोजी इस्रायलवर झालेल्या हल्ल्यासाठी जबाबदार असलेले दहशतवादी मारले गेले आहेत.