रोम : कोरोना व्हायरसमुळे इटलीमध्ये हाहाकार उडाला असून, आतापर्यंत 107 जणांचा या व्हायरसमुळे मृत्यू झाला आहे. त्यामुळे सरकारने शाळा व महाविद्यालये 15 मार्चपर्यंत बंद ठेवण्याचा निर्णय घेतला आहे.
कोरोना हा संसर्गजन्य रोग असून, त्यामुळे सरकारने खबरदारीचा उपाय म्हणून नागरिकांना एकत्र येण्याचे टाळण्यास सांगितले आहे. इटलीमध्ये कोरोनामुळे मृत्यू झालेल्यांची संख्या 107 वर पोहचली आहे. तर, 3 हजारांहून अधिक जणांना लागण झाली आहे. गेल्या 24 तासांमध्ये 28 जणांचा बळी गेला आहे.
चीनमधील वुहान शहरातून या व्हायरसचा प्रसार झाला आहे. चीनमध्ये 3 हजारांच्या आसपास नागरिकांचा यामुळे मृत्यू झाला आहे. त्यानंतर इटलीमध्ये सर्वाधिक बळी गेले आहेत. इटलीत पोप फ्रान्सिस यांनाही सर्दी-ताप असल्याने त्यांना कोरोनाची लागण झाली काय, अशी चर्चा सुरु झाली आहे. चीननंतर दक्षिण कोरिया, जपान, इटली आणि इराण या देशांतील नागरिकांवर सर्वांचे लक्ष आहे. भारतातही या रोगाचे रुग्ण सापडले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.