टोकियो - दक्षिण कोरियाचा ‘जी७’ समूहात समावेश करण्यास जपानने विरोध दर्शविला आहे. अमेरिकेचे अध्यक्ष डोनाल्ड ट्रम्प यांनी तशी सूचना केली होती. ‘क्योदो’ या जपानी वृत्तसंस्थेने राजनैतिक सूत्रांच्या हवाल्याने हे वृत्त दिले आहे.
- पुण्याच्या बातम्या वाचण्यासाठी येथे ► क्लिक करा
‘जी७’ समूहात अमेरिका, ब्रिटन, फ्रान्स, जपान, जर्मनी, इटली आणि कॅनडा यांचा समावेश आहे. युरोपीय महासंघाचे प्रतिनिधीही परिषदांना उपस्थित असतात; मात्र हा समूह आता कालबाह्य झाला आहे. त्यात रशिया, दक्षिण कोरिया, भारत आणि ऑस्ट्रेलिया यांचा समावेश करावा, असे ट्रम्प यांनी गेल्या महिन्याच्या अखेरीस म्हटले होते.
त्यानंतर जपानकडून लगेचच त्यांना हे मत कळविण्यात आले. उत्तर कोरिया आणि चीन यांच्याबाबत दक्षिण कोरियाची भूमिका ‘जी७’ समूहाशी मिळतीजुळती नाही, असे जपानने कळविले.
हे मत सार्वजनिक पातळीवर मात्र जाहीर करण्यात आले नाही, याचे कारण ‘जी७’चे विस्तारीकरण हा ट्रम्प यांचा केवळ विचार आहे, जो काळाच्या ओघात मागे पडेल असे जपानला वाटते.
या महिन्याच्या प्रारंभी जपानचे प्रमुख सरकारी प्रवक्ते योशिहीदे सुगा यांनी सांगितले होते की, ‘जागतिक आव्हानांना सामोरे जाण्यासाठी ‘जी७’ ही एक महत्त्वाची चौकट आहे.’ विस्तारीकरणाबाबत अमेरिकेने जपानला काही माहिती दिली आहे का, या प्रश्नावर त्यांनी स्पष्ट केले होते की, ‘मी तपशीलाबाबत भाष्य करणार नाही; पण उभय देशांत सखोल संवाद सुरू आहे.’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.