जपानी पंतप्रधानांच्या मुलाला कार्यकारी धोरण सचिव पदावरून निलंबित करण्यात आलं आहे. जपानचे पंतप्रधान फुमियो किशिदा यांचा मोठा मुलगा शोतारो याने वडिलांच्या अधिकृत निवासस्थानी पार्टी केल्यामुळे त्याला कार्यकारी धोरण सचिव पदावरून काढून टाकण्यात आलं आहे.(Latest Marathi News)

शोतारो याने पंतप्रधानांच्या अधिकृत निवासस्थानी मित्र आणि नातेवाईकांसोबत पार्टी केल्याचे फोटो व्हायरल झाले. नंतर देशभरातून त्याच्यावर टीका होऊ लागली होती. यामुळे त्याचे वडील पंतप्रधान किशिदा यांनी त्याला पदावरून काढुन टाकलं आहे. यापूर्वीही त्यांच्या मुलावर पदाचा गैरवापर केल्याची टीका झाली होती.(Latest Marathi News)

दरम्यान पार्टीमधील व्हायरल झालेल्या फोटोंमध्ये शोतारो आपल्या मित्र आणि नातेवाईकांसह पंतप्रधानांच्या अधिकृत निवासस्थानाच्या पायऱ्यांवरती असलेल्या रेड कार्पेटवर पोझ देताना दिसुन येत आहे. तर एका फोटोमध्ये तो आपल्या वडिलांची नक्कल करत असल्यासारखेच दिसत आहे.(Latest Marathi News)

द गार्डियनने दिलेल्या वृत्तानुसार, सोमवारी रात्री पंतप्रधान फुमियो किशिदा यांनी सांगितले की, “पंतप्रधानांचे राजकीय सचिव या नात्याने जनतेसाठी ते एक जबाबदार व्यक्तीमत्त्व आहेत, त्याने केलेले हे कृत्य चांगले नाही. म्हणून मी त्याच्याकडून त्यांची जबाबदारी काढून घेण्याचा निर्णय घेतला आहे.” तसेच त्यांनी पुढे सांगितले की, गुरुवारी त्यांच्या मुलाच्या जागी दुसरे सचिव ताकायोशी यामामोटो यांची नियुक्ती केली जाईल.(Latest Marathi News)