उत्तर कोरियाने बॅलेस्टिक क्षेपणास्त्र लाँच केले आहे यावर ऑस्ट्रेलिया (Australia), भारत आणि जपानचे (Japan) परराष्ट्र मंत्री (Foreign Ministers) आणि युनायटेड स्टेट्सचे सचिव यांनी संयुक्त निवेदन देत नाराजी व्यक्त केली आहे. संयुक्त राष्ट्र सुरक्षा परिषदेच्या ठरावांचे (UNSCRs) उल्लंघन करून उत्तर कोरियाच्या बॅलेस्टिक क्षेपणास्त्र लाँच केले आहे, याचा निषेध करत असल्याचे निवेदनात म्हटले आहे.

या संयुक्त निवेदनात म्हटले आहे “26/11 मुंबई आणि पठाणकोट हल्ल्यांसह भारतातील दहशतवादी हल्ल्यांचा आम्ही निषेध करतो. आम्ही UNSC ठरावाला 2593 (2021) खात्री देतो की अफगाण भूभागाचा वापर कोणत्याही देशाला धमकी देण्यासाठी किंवा हल्ला करण्यासाठी करणार नाही.”

अफगाणिस्तानच्या (Afghanistan) भूमीचा वापर हा कोणत्याही देशाला धमकावण्यासाठी अथवा दहशतवाद्यांचे आश्रयस्थान होऊ नये, असा ठराव भारताच्या अध्यक्षतेखालील संयुक्त राष्ट्राच्या सुरक्षा समितीने सोमवारी मंजूर केला होता. अफगाणी आणि सर्व परदेशी नागरिकांना सुरक्षित देशाबाहेर पडू दिले जाईल, हे आश्वासन तालिबान्यांनी पाळावे, अशी अपेक्षाही या ठरावात व्यक्त करण्यात आली होती. भारताच्या अध्यक्षपदाच्या शेवटच्या दिवशीच हा ठराव संमत झाला.