स्वीडन : फिजिक्स अर्थात भौतिकशास्त्रातील नोबेल पुरस्कारांची मंगळवारी घोषणा करण्यात आली. हा पुरस्कार सुकुरो मनाबे, क्लॉस हेझलमन आणि जॉर्जिया परिसी यांना हा पुरस्कार जाहीर झाला आहे. जटिल भौतिक प्रणाली समजण्यासाठी उल्लेखनीय योगदान दिल्याबद्दल त्यांना हा पुरस्कार देण्याचा निर्णय रॉयल स्वीडिश अॅकॅडमी ऑफ सायन्सेसनं घेतला.
या पुरस्काराची घोषणा करताना ज्युरींनी सांगितलं की, सुकुरो मनाबे यांनी हे सिद्ध करुन दाखवलं की, वातावरणात कार्बनडाय ऑक्साईडच्या वाढत्या पातळीमुळं कशाप्रकारे पृथ्वीवर तापमानवाढ होते. त्यांच्या या कमामुळं सध्याच्या जलवायू मॉडेलच्या विकासाचा पाया रचला.
गेल्या वर्षी यांना मिळाला होता पुरस्कार
गेल्या वर्षी फिजिक्सच्या क्षेत्रात नोबेल पुरस्कार अमेरिकनं वैज्ञानिक आंड्रेया घेज, ब्रिटनचे रॉजर पेनरोज आणि जर्मनीचे संशोधक रिनार्ड गेनजेल यांना मिळाला होता. या तिघांना ब्लॅक होल्सवर संशोधनासाठी या पुरस्कारानं सन्मानित करण्यात आलं होतं. नोबेल पुरस्कार मिळवणाऱ्यांना एका सुवर्ण पदकासह १.१४ मिलियन डॉलर रोख रक्कम बक्षीस म्हणून दिली जाते.
दरम्यान, कालच यंदाचा वैद्यकशास्त्रातला नोबेल पुरस्कार अमेरिकेतील डेव्हिड ज्युलियस आणि अर्डम पॅटापुटियन या वैज्ञानिकांना जाहीर झाला. मानवी शरीरात तापमान आणि स्पर्श यांची संवेदना ओळखणाऱ्या संवाहकाचा शोध लावल्याबद्दल त्यांना या पुरस्कारानं सन्मानित करण्यात येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.