मॅक्सिको सिटी : सध्याच्या घडीला संपूर्ण जग कोरोनाशी लढा देत आहे. आरोग्यविषयक जागतिक संकटाच्या पार्श्वभूमीवर आरोग्यविषयक साहित्याचा तुटवडा पडू नये तसेच कोरोना लढ्याच्या विरोधात खबरदारीसाठी वापण्यात येणारे उपयुक्त साहित्य चढ्या भावाने विकून काळाबाजार होणार नाही याचे आव्हान प्रत्येक राष्ट्रांसमोर आहे. भारतासह अन्य काही देशात मास्क, पीपीई किट्स यासारख्या वस्तूंच्या विक्रीतून काही मंडळी भरमसाठ नफा मिळवण्याचे काम करत असल्याच्या बातम्या समोर आल्या होत्या. त्यात आता आणखी एक भर पडली आहे. मेक्सिको येथे कचरा पेटीत टाकून दिलेले 'सर्जिकल फेस मास्क' पुन्हा वापरण्याचा प्रकार सुरु आहे. मेक्सिको येथील औषध उत्पादन कंपन्यांचे प्रतिनिधीत्व करणाऱ्या समूहाने यासंदर्भातील दावा केला आहे.

...अखेर डॉक्टरांना ते दोन्ही शवं पुन्हा नेऊन दुसऱ्या स्मशानभूमीत अंत्यविधी उरकून घ्यावा लागला

काही मंडळी वापर करुन कचऱ्याच्या पेटीत फेकून देण्यात आलेले 'सर्जिकल फेस मास्क' गोळा करुन ते स्वच्छ धुवून पुन्हा विकत आहेत. लॅटीन अमेरिकेतील अनेक राष्ट्रांमध्ये असा प्रकार सुरु आहे. मेडिकल संबंधित वस्तू विकण्याचा कोणताही परवाना नसतानाही खुलेआम काहीजणांनी रस्त्याच्या कडेला मास्क विक्रीची दुकाने उघडली आहेत. कोरोना विषाणूच्या जीवघेण्या संकटामुळे लोकांमध्ये भितीचे वातावरण आहे. मागील काही महिन्यांपासून मास्कची मागणी ही प्रचंड मोठ्या प्रमाणात वाढली आहे. जगभरातील विविध देशातील अनेक शहरात घराबाहेर पडताना मास्कचा वापर करणे बंधनकारक आहे. परिणामी मास्कची मागणी दिवसागणिक वाढत आहे. वापरलेल्या मास्कमुळे पुन्हा धोका निर्माण होण्याची शक्यता नाकारता येत नाही.  

आईच्या दुधापासून तयार होऊ शकते कोरोनाच्या अँटीबॉडीज

त्यामुळे 'मेक्सिकन फार्मसी ऑनर्स यूनियनने मास्क वापरुन झाल्यानंतर फकतावेळी तो कट करा, असा सल्ला नागरिकांना दिला आहे. एक दुसऱ्याचा मास्क वापरणे किंवा फेकून दिल्याच्या मास्कच्या माध्यमातून कोरोना विषाणूचे संक्रमण वाढेल. याची खबरदारी म्हणून वापरलेला मास्कची योग्य विल्हेवाट लावणे महत्त्वाचे झाले आहे.