Nobel Prize in : दक्षिण कोरियाच्या प्रसिद्ध लेखिका हान कांग यांना त्यांच्या "intense poetic prose" या रचनेसाठी 2024 या वर्षातील साहित्यातील नोबेल पारितोषिक देण्यात आले आहे. त्यांच्या लेखनात मानवी जीवनातील असुरक्षितता, ऐतिहासिक वेदना आणि त्याचे परिणाम प्रभावीपणे मांडले जातात. हान कांग यांची साहित्यिक शैली ही वाचकांना अंतर्मुख करणारी असून ती मानवी अस्तित्वाच्या वेदना आणि नाजुकतेवर प्रकाश टाकते.

1901 पासून साहित्यातील नोबेल पुरस्कार देण्यास सुरुवात झाली असून आतापर्यंत एकूण 116 वेळा हा पुरस्कार प्रदान करण्यात आला आहे. या सन्मानात चार वेळा एकापेक्षा जास्त साहित्यिकांनी हा पुरस्कार वाटून घेतला आहे, तर आतापर्यंत 17 महिला साहित्यिकांनी या प्रतिष्ठित पुरस्कारावर आपले नाव कोरले आहे.