कोरोनाचा नवीन प्रकार ओमिक्रॉनची (Omicron variant) माहिती मिळाल्यानंतर सर्वजण भयभीत झाले आहेत. विषाणूच्या नवीन प्रकाराच्या आगमनामुळे जगातील सर्व देश सतर्क झाले आहेत. ओमिक्रॉन हे नवीन प्रकार (New Variant) प्रथम दक्षिण आफ्रिकेत आढळले. जागतिक आरोग्य संघटनेनेही चिंता व्यक्त केली आहे. याचे रुग्ण वाढत असल्याने भीतीचे वातावरण आहे. अशा परिस्थितीत प्रत्येकाच्या मनात एकच प्रश्न निर्माण होत आहे की ओमिक्रॉन प्रकाराची लक्षणे (Symptoms) काय आहेत?

कोरोनाचा नवीन प्रकार आल्यानंतर अमेरिका आणि ऑस्ट्रेलियासह अनेक देश दक्षिण आफ्रिकेतून येणाऱ्या प्रवाशांबाबत सावध झाले आहेत. दक्षिण आफ्रिकेचा प्रवास करून परतणाऱ्या प्रवाशांना विमानतळावर उतरताच क्वारंटाईन केले जात आहे. दक्षिण आफ्रिकेच्या नॅशनल इन्स्टिट्यूट ऑफ कम्युनिकेबल डिसीजने सांगितले की, ओमिक्रॉन व्हायरस शरीरात प्रवेश करत असेल तर काही विशेष लक्षणे दिसत नाहीत. डेल्टा प्रमाणेच ओमिक्रॉनची लागण झालेले काही लोक देखील लक्षणे नसलेले होते. एनआयसीडीने कबूल केले की ओमिक्रॉनची लागण झालेल्या व्यक्तीमध्ये कोणतीही वेगळी लक्षणे दिसत नाहीत.

सद्या SARS-CoV-2 PCR हा प्रकार पकडण्यास सक्षम आहे. नवीन प्रकार पाहता भारतासोबतच इतर अनेक देशही सतर्क झाले आहेत. दक्षिण आफ्रिकेतून येणाऱ्या प्रवाशांना क्वारंटाईनमध्ये राहावे लागेल आणि चाचणी करावी लागेल, असे व्हायरसच्या तपासाबाबत जागतिक आरोग्य संघटनेने निवेदनात म्हटले आहे.

पहिला रुग्ण दक्षिण आफ्रिकेत

२४ नोव्हेंबर रोजी ओमिक्रॉनचा पहिला रुग्ण आढळला होता. या विषाणूचा पहिला रुग्ण दक्षिण आफ्रिकेत आढळून आला. अनेक देश ओमिक्रॉनचा प्रसार रोखण्यासाठी शक्य ते सर्व प्रयत्न करीत आहेत. कोरोनाच्या नवीन प्रकाराने जगातील सर्व देशांची चिंता वाढवली आहे.