इस्लामाबाद : पाकिस्तानचे पंतप्रधान इम्रान खान यांच्या सरकारने घेतलेल्या एका निर्णयाची सध्या आंतरराष्ट्रीय स्तरावर मोठ्या प्रमामात चर्चा सुरू आहे. इम्रमान खान सरकारने घेतलेल्या या निर्णयानुसार सर्व वृत्तवाहिन्यांना रात्री 9 वाजताचे न्यूज बुलेटिन दाखवण्यापूर्वी रोज पाकिस्तानचा नकाशा दाखवणे बंधनकारक केले आहे. पाकिस्तानच्या स्थानिक वृत्त संस्थांनी दिलेल्या वृत्तामधून ही माहिती समोर आली आहे.

पाकिस्तान इलेक्ट्रॉनिक मीडिया रेग्युलेटरी अथॉरिटी (PEMRA) ने ऑगस्ट महिन्यातच पंतप्रधान इम्रान खान यांनी मंजूर केलेला पाकिस्तानचा नवा नकाशा प्रदर्शित करण्यासाठी अधिसूचना जारी केली आहे. ARY न्यूजने दिलेल्या वृत्तामधून सरकारच्या या नव्या निर्णयाची माहिती समोर आली आहे. 'स्ट्रीमलाइनिंग करेक्ट यूज ऑफ पाकिस्तान पॉलिटिकल मॅप' या मथळ्याच्या PEMRASच्या पत्रात असे म्हटले आहे की, "सर्व वृत्तवाहिन्यांनी रोज रात्री 09:00 वाजता न्यूज बुलेटिन प्रसारित करण्यापूर्वी 02 सेकंदांसाठी पाकिस्तानचा राजकीय नकाशा फ्लॅश करणे बंधनकारक आहे."

पाकिस्तानधील सर्व सॅटेलाइट टीव्ही चॅनल परवानाधारकांना या शिफारसींचे पालन करण्याचे निर्देश दिले आहेत. या पत्रात माहिती आणि प्रसारण मंत्रालयाचा देखील संदर्भ देण्यात आला आहे. PEMRA या पाकिस्तानातील माध्यम प्राधिकरणावर यापूर्वी विविध आदेशांद्वारे वृत्तवाहिन्यांवर ताशेरे ओढल्याचा ठपका ठेवण्यात आला आहे. PEMRA या पाकिस्तानातील माध्यम प्राधिकरणावर यापूर्वी विविध आदेशांद्वारे वृत्तवाहिन्यांवर ताशेरे ओढल्याचा ठपका ठेवण्यात आला आहे.

मार्चमध्ये, PEMRAने बातम्या आणि चालू घडामोडी प्रसारित करणाऱ्या वृत्तवाहीन्यांवर देशाच्या नॅशनल अकाऊंटेबलीटी ब्युरोबद्दल केलेल्या काही आक्षेपार्ह वक्तव्यांबद्दल ताशेरे ओढले होते. "राज्य संस्थेला बदनाम करण्याच्या हेतूने पुराव्यांशिवाय, निर्णयात्मक आणि एक तरफी टिप्पण्या" प्रसारित करण्यापासून दूर राहण्यास सांगितले होते. या प्रकरणात वृत्तवाहिन्यांची बाजू जाणून घेतली नव्हती असं डॉनच्या वृत्तामधून समोर आलं होतं. PEMRA च्या मते, अशा गोष्टींचे प्रसारण 2007 च्या PEMRA कायद्याचे आणि 2009 च्या Pemra नियमांचे उल्लंघन आहे.