पाकिस्तान : पाकिस्तानातील (Pakistan) लाहोर (Lahore) येथील अनारकली बाजार येथे झालेल्या बॉम्बस्फोटात तीन जण ठार झाल्याची माहिती आहे. या स्फोटात किमान २० जण जखमी झाल्याचे सांगण्यात येत आहे. बाजारात उभ्या असलेल्या एका मोटारसायकलमध्ये स्फोटक (Explosion) सामग्री होती. याच गाडीत स्फोट झाला. स्फोटातील मृतांचा आकडा वाढू शकतो.

लाहोरच्या (Lahore) सर्वांत वर्दळीच्या भागातील अनारकली बाजार येथे गुरुवारी झालेल्या बॉम्बस्फोटात किमान तीन जण ठार (Three killed) आणि दोन डझनहून अधिक जखमी झाले, असे पाकिस्तानी (Pakistan) वृत्तपत्रांनी म्हटले आहे. अनारकली मार्केटला लागून असलेल्या पान मंडीजवळ उभ्या असलेल्या मोटारसायकलमध्ये स्फोटक (Explosion) पदार्थ ठेवण्यात आल्याचे वृत्त होते.

सोशल मीडियावर व्हायरल होत असलेल्या व्हिडिओमध्ये अनेक मोटारसायकली आणि दुकाने जळताना दिसत आहेत. नागरिक भीतीने सुरक्षित स्थळी पळत आहेत. हा स्फोट इतका जोरदार होता की आजूबाजूच्या इमारतींच्या खिडक्यांच्या काचा फुटल्या. बचाव पथकांनी जखमींना जवळच्या रुग्णालयात हलवले, तर सुरक्षा अधिकाऱ्यांनी तपासासाठी परिसराची नाकेबंदी केली आहे.