वॉशिंग्टन/इस्लामाबाद : हवामान बदलाच्या निधीसह सहा ते आठ अब्ज डॉलरचा मदतनिधी देण्याची औपचारिक विनंती पाकिस्तानने आंतरराष्ट्रीय नाणेनिधीकडे (आयएमएफ) केली आहे, विस्तारित निधी सुविधांतर्गत तीन वर्षांतील मदतीचे धोरण ठरविण्यासाठी पुढील महिन्यात आढावा पथक पाठविण्याची विनंतीही आर्थिक चणचण भासत असलेल्या पाकिस्तानने ‘आयएमएफ’कडे केली आहे.

तथापि, नवीन मदतीचे स्वरूप आणि कालमर्यादा मे २०२४ मधील भेटीतील चर्चेत एकमत झाल्यानंतर निश्‍चित होईल, असे ‘जिओ न्यूज’ने म्हटले आहे. पाकिस्तानचे अर्थमंत्री महम्मद औरंगजेब यांच्या नेतृत्वाखाली एक उच्चस्तरीय शिष्टमंडळ सध्या ‘आयएमएफ’ आणि जागतिक बँकेच्या वार्षिक बैठकीस उपस्थित राहण्यासाठी सध्या अमेरिकेत आलेले आहे.