युक्रेनची राजधानी किव्ह आणि इतर शहरांवर रशियाने रविवारी रात्री इराणनिर्मित ड्रोनच्या साह्याने हल्ला केला. रशियाने केलेल्या या हल्ल्यात चार नागरिकांचा मृत्यू झाला. युक्रेनच्या हवाई संरक्षण यंत्रणेद्वारे ३५ ड्रोन हवेतच नष्ट करण्यात आल्याचा दावा युक्रेनच्या अधिकाऱ्यांनी केला.
रशियाने युक्रेनच्या उत्तर, दक्षिण आणि पूर्व भागातील १२७ ठिकाणी हल्ले केल्याचे युक्रेनच्या संरक्षण मंत्रालयाने सांगितले. रशिया मागील काही महिन्यांपासून हल्ल्यांसाठी इराणनिर्मित शाहिद ड्रोनचा वापर करत आहे.
रशियाने ड्रोनबरोबरच तोफगोळे, लढाऊ विमाने, रॉकेट आणि क्षेपणास्त्रे यांच्या साह्यानेही मारा केला. या हल्ल्यांमध्ये चार नागरिकांचा मृत्यू झाला, तर अनेक जण जखमी झाले. या हल्ल्यांदरम्यान युक्रेननेही एकूण ३५ ड्रोन हवेतच नष्ट केले.
व्हिक्टरी डे संचलन रद्द
दुसऱ्या महायुद्धात नाझी जर्मनीचा रशियाने केलेल्या पराभवाची आठवण म्हणून रशियामध्ये उद्या (ता. ९) ‘व्हिक्टरी डे’ संचलनाचे आयोजन करण्यात आले आहे. मात्र, युक्रेननेही प्रतिहल्ले सुरु केले असून आणि काही दिवसांपूर्वीच मॉस्कोमध्येही ड्रोन हल्ला झाल्याच्या पार्श्वभूमीवर रशियातील २१ शहरांनी ‘व्हिक्टरी डे’ संचलन रद्द केले आहे. राजधानी मॉस्को आणि सेंट पीटर्सबर्ग या शहरांमध्ये मोठ्या प्रमाणावर हा कार्यक्रम होणार आहे, मात्र यावेळीही ड्रोनच्या वापराला पूर्णपणे बंदी घालण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.