Saudi Arabia:

सौदी अरबिया मोठी गुंतवणूक करत आहे. पाकिस्तानमध्ये देखील सौदीचे ५० अधिकारी अभ्यास करण्यासाठी गेले आहे. तेलाच्या व्यतिरीक्त आणखी कसे पैसे कमवता येतील याकडे सौदीचा कल आहे. दरम्यान सौदी एक नवीन शहर उभारत आहे. ताबुक शहराजवळ उभारण्यात येणारे हे शहर न्यूयॉर्कपेक्षा ३३ पट मोठं असेल.

जगभरात पेट्रोल आणि डिझेलचे पर्याय शोधले जात आहेत. इलेक्ट्रिक वाहनांचा कल झपाट्याने वाढला आहे. त्यामुळे तेलाच्या आधारे श्रीमंत झालेले सौदी अरेबियासारखे देश अडचणीत आले आहेत. जगभरात पेट्रोस आणि डिझेलला पर्याय शोधले जात आहेत. अनेक इलेक्ट्रिक वाहन बाजारात आले असून याचा परिणाम सौदीच्या अर्थव्यवस्थेवर झाला आहे. सौदी अरेबियाने 'व्हिजन 2030' लाँच केले आहे. या अंतर्गत सौदी अरेबिया अनेक क्षेत्रात मोठी गुंतवणूक करत आहे.

सौदी निर्मान करत असलेल्या शहराचं नाव  निओम ठेवण्यात आलं आहे.  हे शहर तयार करण्याचे काम सुरू झाले असून भूसंपादनाचे काम वेगाने सुरू आहे. एवढेच नाही तर भूसंपादनाला विरोध करणाऱ्यांवर कठोर कारवाई करण्याचा निर्णय सौदी प्रशासनाने घेतला आहे. भूसंपादनाला कोणी विरोध केल्यास कडक कारवाई करण्याचे आदेशही अधिकाऱ्यांना दिले आहेत. आंदोलन हिंसक झाले तर खून करण्यासही परवानगी देण्यात आली आहे. हिंदुस्तान लाईव्हने बीबीसीच्या हवाल्याने ही माहिती दिली.

जगातील अनेक कंपन्यांचा ही सिटी उभारण्यात गुंतलेल्या आहेत. कर्नल राबिल एलेनजी म्हणाले की, एका जमातीचे लोक या भागात विरोध करत आहेत. आता त्यांना जमीन रिकामी करण्यासाठी कठोरता दाखवली जाणार आहे. नुकतेच यातील एकालाही गोळी लागली, त्यात त्याचा मृत्यू झाला. सौदी प्रशासनाने या अहवालावर सध्या काहीही सांगितलेले नाही.

या शहराचा सुमारे अडीच किलोमीटरचा भाग २०३० पर्यंत पूर्णपणे तयार होईल. मिळालेल्या माहितीनुसार या प्रकल्पासाठी आतापर्यंत सुमारे ६००० लोक विस्थापित झाले आहेत. अनेक गावेही पूर्णपणे हटवण्यात आली आहेत. काही महिन्यांपूर्वीपर्यंत वस्ती असलेली गावे कशी सपाट झाली आहेत. रुग्णालये, शाळा आणि कम्युनिटी हॉलही उद्ध्वस्त झाले आहेत.