कीव : रशियानं युक्रेनवर आक्रमण (Russia invasion) केल्यानंतर सध्या अवघ्या जगावर चिंतेचे ढग निर्माण झाले आहेत. जगभरातून रशियावर टीका केली जात आहे. युक्रेननं (Ukraine War) जगभरातील सर्व देशांना रशियावर दबाव वाढवण्यासाठी प्रयत्न सुरु केले आहेत. या पार्श्वभूमीवर युक्रेनच्या परराष्ट्र मंत्र्यांनी जगाला एक निर्वाणीचा इशारा दिला आहे. जर रशियाला आत्ता सूट दिली तर एकाही देशाला सुरक्षित वाटणार नाही, असं त्यांनी म्हटलं आहे. (so no country can be safe Warning of Foreign Minister of Ukraine)

युक्रेनच्या परराष्ट्रमंत्र्यांनी म्हटलं की, युक्रेनमध्ये सध्या जागतिक सुरक्षेचे भविष्य निश्चित केले जात आहे. जर रशियावर जागतीक नियमांच्या भंगांसाठी कारवाई झाली नाही तर एकही देशाला सुरक्षित वाटू शकणार नाही.

दरम्यान, रशियात सातत्यानं सुरु असलेल्या हल्ल्यांमध्ये एका भारतीय विद्यार्थ्याचा मृत्यू झाला आहे. नवीन शेखरप्पा (वय २१) असं या विद्यार्थ्याचं नाव असून तो कर्नाटकातील हावेरी येथील रहिवासी आहे. युक्रेनमधील खारकीव इथं झालेल्या गोळीबारात या विद्यार्थ्याचा मृत्यू झाला आहे.