Trump Vs Biden : अमेरिकेचे राष्ट्राध्यक्ष जो बायडन यांनी माजी राष्ट्राध्यक्ष डोनाल्ड ट्रम्प यांच्यावर गंभीर आरोप केले आहेत. यावेळी अमेरिकेत काहीतरी धोकादायक घडत आहे. लोकशाहीला गंभीर धोका निर्माण होत आहे. असे ते म्हणाले.

अमिरिकेत येत्या काळात निवडणूका होणार आहे. यावेळी डोनाल्ड ट्रम्प पुन्हा निवडणुकीत उतरतील असे म्हटले जात आहे. यामुळेच बायडन यांनी हा आरोप केला असल्याचे म्हटले जात आहे.

जो बायडन यांनी अमेरिकेच्या अॅरिझोना राज्यात एका भाषणादरम्यान सांगितले की, आता अमेरिकेत काहीतरी धोकादायक घडत आहे. देशात एक कट्टरपंथी मोहीम सुरू आहे. जी लोकशाहीच्या विरोधात आहे.

रिपब्लिकन पक्ष आज MAGA चळवळीच्या कट्टर समर्थकांकडून चालवला जात आहे. अमेरिकेतील लोकशाही संस्था बदलणे हा कट्टरपंथीयांचा अजेंडा आहे.

डोनाल्ड ट्रम्प यांनी 2016 च्या अमेरिकन अध्यक्षीय निवडणुकीदरम्यान MAGA नारा दिला होता. जो आता पुन्हा लोकप्रिय होत आहे. माजी राष्ट्राध्यक्षांना वैयक्तिकरित्या शक्तिशाली बनण्यात अधिक रस आहे. त्यांचा लोकशाही मूल्यांवर विश्वास नाही.