इस्लामाबाद : भारतातील ट्विटरनं यूएन, तुर्की, इराण, इजिप्तमधील (Egypt) पाकिस्तानी (Pakistan Embassies) दूतावासांच्या ट्विटर हँडलवर बंदी घातलीय. यासोबतच रेडिओ पाकिस्तानच्या ट्विटर हँडलवरही बंदी घालण्यात आलीय.

भारतात ट्विटरच्या या कारवाईनंतर पाकिस्तानच्या परराष्ट्र व्यवहार मंत्रालयानं (Pakistan Ministry of Foreign Affairs) ट्विटरला ही खाती तातडीनं रिस्टार्ट करण्याची विनंती केलीय. खरं तर, भारताच्या आयबी मंत्रालयानं 26 यूट्यूब चॅनेलवर (YouTube Channel) बंदी घातली होती, त्यापैकी 6 चॅनेल पाकिस्तानचे होते.

भारताच्या या कारवाईनंतरच ट्विटरनं पाकिस्तानच्या अधिकृत ट्विटर हँडलवर (Pakistan Twitter Handle) बंदी घातलीय. ज्या यूट्यूब चॅनलवर बंदी घालण्यात आलीय, ते भारताच्या सुरक्षेसाठी धोकादायक असल्याचा आरोप करण्यात आलाय. कारण, ते लोकांमध्ये खोटी माहिती पसरवत होते.