न्यूयॉर्क : मागील आठवड्यात एका वाघिणीला कोरोनाची लागण झाल्याची घटना समोर आली होती. त्यानंतर आता न्यूयॉर्कमध्ये दोन मांजरींना कोरोनाची लागण झाल्याचे समोर आले आहे. आतापर्यंत केवळ मानवापर्यंत मर्यादित राहिलेला कोरोना पाळीव प्राण्यांमध्येही पसरु लागल्याचे हे धक्कादायक चित्र आहे.

बातम्या ऐकण्यासाठी डाऊनलोड करा ई-सकाळचे ऍप

कोव्हिड-१९ आजाराला कराणीभूत ठरणाऱ्या सार्स COV-2 या विषाणूंची लागण या दोन मांजरांना झाल्याचे स्पष्ट झाले आहे. या मांजरी न्यूयॉर्क राज्यातील वेगवेगळ्या भागातील असून दोघांना श्वसनाच्या आजारामुळे त्यांना पशुवैद्याकडे नेण्यात आले. पहिली मांजर ज्या घरातून आली त्या रहिवाशांपैकी कोणात्याही व्यक्तीला कोरोनाची लक्षणे नव्हती तर दुसऱ्या मांजरीच्या घरातील मालकामध्ये मात्र कोरोची लक्षणे आढळून आली आहेत.

Coronavirus : कोणतीही चूक करु नका; जागतिक आरोग्य संघटनेने दिला इशारा

न्यूयॉर्कमधील दोन मांजरींना कोरोनाव्हायरस या कोविड-१९ची लागण झाल्याची माहिती फेडरलच्या अधिकाऱ्यांनी काल (ता. २२) बुधवारी दिली. दोघांनाही श्वसनाच्या सौम्य लक्षणे होती. ही दोन्ही मांजर आता उपचारानंतर रिकव्हर होत असल्याचेही सांगण्यात आले आहे. दरम्यान, अमेरिकेत कोरोना व्हायरस पसरविण्यात पाळीव प्राण्यांची भूमिका आहे, याचा पुरावा अद्याप मिळालेला नाही. या दोन्ही मांजरींना श्वसनाची लक्षणे दिसून आल्यानंतर त्यांची चाचणी केली गेली आणि त्यांना न्यूयॉर्कच्या प्राणिसंग्रहालयात त्यांना आता क्वारंटाईन करण्यात आले आहे. ज्याठिकाणी आठ सिंह आणि वाघ ठेवले आहे. त्याठिकाणी त्यांना ठेवण्यात आले आहे, अशी माहिती देण्यात आली आहे.