कराची : पाकिस्तानातील कराचीमध्ये दोन चीनी नागरिकांची गोळ्या झाडण्यात आल्या आहेत. मास्क घालून मोटारसायकलवरुन आलेल्या दोन अज्ञात मारेकऱ्यांनी या चीनी नागरिकांवर बुधवारी गोळ्या झाडल्या. सध्या या दोन्ही चीनी नागरिकांना कराचीमधील सिव्हील हॉस्पिटलमध्ये दाखल करण्यात आलं आहे. याआधी मागे 14 जुलै रोजी खैबर पख्तूनख्तामधील अप्पर कोहकिस्तानमधील दासू धरणाच्या जागी चीनी अभियंत्यांना घेऊन जाणाऱ्या बसवर हल्ला झाल्ला झाला होता. त्यानंतर दोन आठवड्यांनी ही घटना घडली आहे. या घटनेत कमीतकमी नऊ चिनी नागरिक ठार झाले होते. याबाबतचं वृत्त रॉयटर्स या वृत्तसंस्थेने दिलं आहे.

या घटनेवर बोलताना चिनी परराष्ट्र मंत्रालयाचे प्रवक्ते झाओ लिजियान यांनी म्हटलंय की, या घटनेकडे "एक स्वतंत्र प्रकरण" म्हणून पाहिलं पाहिजे. पाकिस्तानमधील चीनी नागरिक आणि पाकिस्तानमधील मालमत्तांचे संरक्षणाबाबत पाकिस्तावर आमचा पूर्ण विश्वास आहे, असंही त्यांनी म्हटलंय.

यावर्षी एप्रिलमध्ये, नैऋत्य पाकिस्तानमधील क्वेटा येथे चिनी राजदूतांच्या एका मोठ्या हॉटेलमधील कार्यक्रमात बॉम्ब स्फोट झाला होता, त्यात चार लोक ठार झाले होते. चीन हा पाकिस्तानचा जवळचा सहयोगी मित्र आहे आणि मोठा गुंतवणूकदार देखील आहे. पाकिस्तानी सैन्यात प्रत्येकी १५,००० सैन्य असणारी दोन विशेष सुरक्षा विभाग तयार करण्यासाठी, मोठ्या प्रमाणात चीनचे पैसे खर्च केले गेले आहेत, अशीही माहिती आहे.