बगदाद : इराण आणि अमेरिकेमधील वाद शिगेला पोहोचला असून काल इराणने अमेरिकेच्या इराकमधील दोन लष्करी तळांवर क्षेपणास्त्र हल्ले केले होते. अशातच आज (ता. 9) मध्यरात्रीही इराणने इराकमधील अमेरिकेच्या दूतावासाजवळ पुन्हा रॉकेट हल्ला केल्याचे निष्पन्न झाले आहे. हा हल्ला इराकची राजधानी बगदाद येथे थेट ग्रीन झोनवरच करण्यात आला आहे.
इराकी लष्कराने या घटनेला दुजोरा दिला असून बगदाद शहराच्या सर्वात महत्त्वाच्या अशा ग्रीन झोन असलेल्या भागात दोन रॉकेट कोसळली. यातील एक रॉकेट हे अमेरिकन दूतावासाच्या अगदी जवळ म्हणजे 100 मीटर अंतरावर पडले आहे. या रॉकेट हल्ल्यात कोणतीही जिवीत हानी झाली नसल्याची माहिती इराकी सैन्याने दिली आहे.
दोन कत्युशा रॉकेट्स ही बगदादच्या ग्रीन झोनमध्ये पडली. रॉकेट पडल्याने सायरन वाजला. यातील एक कत्युशा हे अमेरिकेच्या दूतावासाजवळ पडल्याने चिंत व्यक्त केली जात होती मात्र, यात कोणत्याही प्रकारची जिवीत हानी झाली नाही, असे इराकच्या लष्करी अधिकाऱ्यांनी सांगितले. इराण व अमेरिकेच्या वादात इराकची राजधानीही भरडून निघत आहे.
अमेरिकेने इराणी कमांडर कासीन सुलेमानींची हत्या केल्यानंतर काल इराणने आक्रमक होत अमेरिकेच्या इराकमध्ये असलेल्या दोन लष्करी तळांवर क्षेपणास्त्र हल्ले केले. या हल्ल्यात अमेरिकेचे 80 सैनिक ठार झाल्याचा दावा इराण करत आहे, मात्र अमेरिकेचे राष्ट्राध्यक्ष डोनाल्ड ट्रम्प यांनी घेतलेल्या पत्रकार परिषदेत अशा प्रकारजची कोणतीही हानी न झाल्येच त्यांनी स्पष्ट केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.