काबूल: अफगाणिस्तानात (afganistan) अडकलेल्या युक्रेनियन नागरिकांची सुटका करण्यासाठी आलेल्या एका युक्रेनेच्या विमानाचे (Ukrainian plane) अज्ज्ञात आरोपींनी अपहरण केले आहे. आरोपी हे विमान घेऊन इराणमध्ये गेले आहेत. युक्रेनचे उप परराष्ट्र मंत्री येवगेनी येनिन (Yevgeny Yenin) ही माहिती दिली. रशियन (Russian) वृत्तसंस्था 'तास' ने हे वृत्त दिले आहे.

मागच्या रविवारी काही जणांनी आमच्या विमानचे अपहरण केले. हे विमान त्यांनी चोरले आहे. आम्ही युक्रेनियन प्रवाशान एअरलिफ्ट करण्यासाठी हे विमान पाठवले होते. पण काही अज्ज्ञात प्रवासी या विमानात बसून इराणला गेले. आमचे लोक विमानतळावर पोहोचू शकले नाहीत. त्यामुळे अफगाणिस्तानातून नागरिकांना बाहेर काढण्याचे आमचे तीन प्रयत्नही यशस्वी होऊ शकले नाहीत, असे युक्रेनचे उपपरराष्ट्र मंत्री येवगेनी येनिन यांनी सांगितले.

अपहरणकर्ते शस्त्रास्त्रांनी सुसज्ज होते असे येवगेनी म्हणाले. या विमानात ते अज्ज्ञात लोक कोण आहेत?. ते चोरलेलं विमान परत कसं मिळवणार? काबूलमधुन युक्रेनियन नागरिकांना कसं बाहेर काढणार? याबद्दल येवगेनी यांनी कोणतीही माहिती दिलेली नाही.