बीजिंग - कोरोना व्हायरसने चीनमध्ये धुमाकूळ घातला असून, त्या पार्श्वभूमीवर एक दुर्दैवी बातमी समोर आली आहे. कोरोनाची बाधा झाल्यामुळे विशेष कक्षात हलविण्यात आलेल्या एका व्यक्तीच्या सेरेब्रल पाल्सीमुळे अपंगत्व आलेल्या मुलाचा घरात मृत्यू झाल्याचे आढळून आले आहे. घरात काळजी घेण्यासाठी कोणीही नसल्याने ही घटना घडल्याचे समजते.
यान चेंग असे मृत्युमुखी पडलेल्या मुलाचे नाव असून, तो १७ वर्षांचा होता. त्याचे वडील यान झिआओवेन यांना ताप आल्यानंतर त्यांना २२ जानेवारी रोजी विशेष कक्षात हलविण्यात आले होते. त्यानंतर पाच दिवसांनी त्यांना कोरोनाची लागण झाल्याचे स्पष्ट झाले. विशेष कक्षात हलविण्यापूर्वी ‘आपल्या मुलाची काळजी घेण्यासाठी घरी कोणीही नाही, त्यामुळे गावातील नातेवाईक, स्थानिक वैद्यकीय अधिकाऱ्यांनी आपल्या मुलाची काळजी घ्यावी’, अशी विनंती झिआओवेन यांनी केली होती. विशेष कक्षात दाखल झाल्यानंतरही झिआओवेन यांनी माझ्या घरी जाऊन चेंगची काळजी घेण्याची विनंती करणारी पोस्ट सोशल मीडियात प्रसिद्ध केली होती.
घरात एकटाच असलेला चेंगचा २९ जानेवारी रोजी मृत्यू झाल्याचे होंगान विभागाच्या प्रशासनाकडून सांगण्यात आले. चेंगच्या मृत्यूला जबाबदार धरत स्थानिक प्रशासनातील काही वरिष्ठ अधिकाऱ्यांवर हाकालपट्टीची कारवाई करण्यात आली आहे.
चेंगचा मृत्यू नेमका कशामुळे झाला हे अद्याप स्पष्ट करण्यात आलेले नाही. चेंगच्या मृत्यूची बातमी ऐकून अनेकांनी सोशल मीडियात संताप व्यक्त केला. चीनमधील ‘वेईबो’ या प्रसिद्ध सोशल मीडिया प्लॅटफॉर्मवर चेंगच्या मृत्यूच्या बातमीसंदर्भातील हॅशटॅग ट्रेंडमध्ये आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.