वॉशिंग्टन- अमेरिकेत पुढील महिन्यात राष्ट्राध्यक्षपदासाठी निवडणूक होत आहे. तेथील निवडणूक प्रचारात दिवसेंदिवस रंगत येत आहे. मतदारांना आपल्या बाजूने वळवण्यासाठी कोणीच कसर सोडताना दिसत नाही. यावेळी डेमॉक्रेटिक पक्षाच्या उपराष्ट्राध्यक्षपदाच्या उमेदवार कमला हॅरिस या भारतीय वंशाच्या आहेत. यंदाच्या निवडणुकीतही भारतीय मतदारांची महत्त्वाची भूमिका आहे. त्यामुळेच कमला हॅरिस आणि राष्ट्राध्यक्षपदाचे उमेदवार जो बायडेन हे अमेरिका आणि जगभरातील हिंदूंना नवरात्रीच्या शुभेच्छा देण्यास विसरले नाहीत.
बायडेन यांनी टि्वट करुन म्हटले की, हिंदू धर्माचा सण नवरात्रीनिमित्त मी आणि जिल बायडेन (जो बायडन यांच्या पत्नी) अमेरिका आणि जगभरातील हिंदूंना शुभेच्छा देत आहे. वाईटावर देवाने विजय मिळवावा, प्रत्येकासाठी ही नवी सुरुवात आणि नवीन संधी मिळो.
तर कमला हॅरिस यांनीही टि्वट करुन हिंदू-अमेरिकन मित्रांना शुभेच्छा दिल्या आहेत. त्या म्हणाले की, हा उत्सव आपल्या सर्वांच्या उत्कर्षासाठी आणि न्याय्य व निष्पक्ष अमेरिकेच्या निर्मितीसाठी प्रेरणादायी असावा.
दरम्यान, राष्ट्राध्यक्षपदासाठी सुरु असलेल्या प्रचारादरम्यान जो बायडेन आणि रिपब्लिक पक्षाचे उमेदवार डोनाल्ड ट्रम्प यांच्यातील डिबेट कार्यक्रम रद्द करण्यात आला होता. त्यानंतर दोन्ही नेत्यांनी एक टाऊन हॉल इव्हेंट आयोजित करण्याचा निर्णय घेतला. विशेष म्हणजे ट्रम्प यांच्या तुलनेत सर्वाधिक लोकांनी बायडेन यांचा कार्यक्रम पाहणे पसंत केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.