वाशिंग्टन : कोरोनाच्या जागतिक संकटाच्या मुद्यावरुन अमेरिका-चीन यांच्यातील तणाव वाढताना दिसत आहे. जागतिक महा संकटाला चीन जबाबदार असल्यापासून ते कोरोनासंदर्भातील लस संशोधनामध्ये अडकाठी आणण्याचा प्रयत्न चीनकडून होत असल्याचा दावा अमेरिकेकडून वारंवार करण्यात येत आहे. या दरम्यान आता अमेरिकेने आणखी एका मुद्यावरुन चीनवर दबाव टाकण्यास सुरुवात केली आहे. तिबेटमधील 11 वे धर्मगुरु पंचेन लामा यांची सुटका करावी, अशी विनंती अमेरिकेकडून करण्यात आली आहे.  

मल्ल्याची शेवटची याचिकाही ब्रिटन हायकोर्टाने फेटाळली; महिनाभरात भारताच्या ताब्यात?

14 मे 1995 मध्ये  नोबेल शांती पुरस्कार विजेते तिबेट धर्मगुरु दलाई लामा यांनी सहा  वर्षीय गेधुन चोएक्यी नीमा यांना पंचेन लामा यांचा अवतार असल्याचे म्हटले होते. त्यानंतर तीन दिवसांनी या बालकाला ताब्यात घेण्यात आले होते. आतापर्यंत या मुद्यावर कोणीही काही बोलल्याचे पाहायला मिळाले नाही.  मानवाधिकार समुहाने या प्रकरणाला जगातील सर्वात कमी वयाचा राजकीय कैदी असे या प्रकरणातील पंचन लामा यांचे वर्णन केले होते.  

कोरोना व्हायरस कधीच संपणार नाही : जागतिक आरोग्य संघटना

अमेरिकेच्या परराष्ट्र मंत्रालयातील आंतरराष्ट्रीय धार्मिक स्वतंत्रता विभागाचे राजदूत  एट लार्ज सॅम ब्राउनबॅक म्हणाले की,  आम्ही पंचेन लामा यांच्या सुटकेसंदर्भात दबाव कायम ठेवणार आहोत. ते कोणत्या ठिकाणी आहेत हे कळायला हवे, असा उल्लेखही त्यांनी केलाय.  तिबेटचे 11 वे बौद्ध धर्म गुरु पंचेन  लामा यांना चीनने वयाच्या   व्या वर्षी कैद केले होते. तिबेटमधील दलाई लामा यांच्यानंतर पंचेन लामा बौद्ध धर्मातील दुसऱ्या स्थानावरिल आध्यात्मिक पद आहे. 

सोशल डिस्टन्सिंगच उल्लंघन केल्यावर साफ करावं लागणार टॉयलेट 

चीनच्या वुहान शहरातून जगभरात परसलेल्या कोरोना विषाणूला चीनच जबाबदार आहे, असा आरोप अमेरिकेकडून करण्यात आला आहे. कोरोनामुळे अमेरिकेत मोठी हानी झाली आहे. परिणामी अमेरिका-चीन यांच्यात शाब्दित युद्धही सुरु असल्याचे चित्र पाहायला मिळते. यात आता नव्या आंतरराष्ट्रीय मुद्यामुळे दोन्ही राष्ट्रांत जुंपण्याची शक्यता निर्माण झाली आहे. अमेरिकेच्या या भूमिकेनंतर चीनकडून काय प्रतिक्रिया येणार हे पाहणे महत्त्वाचे ठरेल.