दीड वर्षांपासून संपुर्ण जगाला वेठीस धरणाऱ्या कोरोना विषाणूचा (Coronavirus) उगम कुठे झाला? याचं उत्तर शोधण्यासाठी जागातील सर्व शास्त्र अभ्यास करत आहेत. या महामारीनं लाखोंचा बळीही घेतला. 2019 मध्ये चीनच्या वुहान येथून संसर्ग झालेला हा विषाणूनंतर जगभरात पसरला. अमेरिकेतील तज्ज्ञांनच्या एका रिसर्चनुसार कोरोना विषाणू चीनमध्ये तयार झाला आहे.

द वॉल स्ट्रीट जर्नलने सूत्रांच्या हवाल्यानं सांगितलं की, कॅलिफोर्नियामध्ये लॉरेंस लिव्हरमोर नॅशनल लॅबोरेटरीद्वारा कोरोनाच्या उत्पत्तीवर एक रिपोर्ट समोर आला आहे. यामध्ये चीनमधील वुहान येथील एका प्रयोगशाळेतून कोरोना विषाणू लीक झाल्याचा दावा केला आहे. तसेच यावर पुढील तपास सुरु करण्यात येणार आहे. हा रिपोर्ट्स मे महिन्यात तयार करण्यात आला आहे.

रॉयटर्सच्या वृत्तानुसार, अनेक अमेरिकेतील आधिकाऱ्यांनी असा आरोप लावलाय की, कोरोनाच्या उत्पत्तीची चीनने पारदर्शक माहिती दिली नाही. तसेच तपासात सहकार्य केलं नाही. अमेरिकेच्या एक्स्पर्टच्या आरोपाचं बिजिंगनं खंडनं केलं आहे. हिंदुस्तान टाइम्सनं आपल्या बातमीमध्ये म्हटलेय की, अमेरिकेतील स्टेट डिपार्टमेंटच्या निष्कर्षांना एका फॅक्ट शीटद्वारा सार्वजनिक करण्यात आलं होतं. ज्यामध्ये परिस्थितिजन्य कारणांची श्रृंखला सूचीबद्ध केली आहे.

WIV मध्ये 2019 च्या हिवाळ्यात अनेक संशोधक आजारी पडल्यामुळे अमेरिका सरकारनं येथूनच कोरोनाचा उगम झाल्याचा निष्कर्ष काढला आहे. या सर्व संशोधकांना कोरोनाची लक्षणं होती. कोरोनाचा जगभरात संसर्ग होण्यापूर्वी हे संशोधक आजारी पडले होते. अमेरिकेतील एक्स्पर्ट्सच्या नजरेतून ही गोष्ट सुटली नाही, असं एनडीटीव्हीच्या वृत्तात म्हटलं गेलेय.