अमेरिकेचे राष्ट्राध्यक्ष जो बायडन यांच्याशी होणाऱ्या द्विपक्षीय बैठकीसाठी पंतप्रधान नरेंद्र मोदी अमेरिकेला जाणार आहेत. यावेळी ते क्वाड शिखर परिषदेत देखील सहभागी होणार आहे. २४ सप्टेंबरला होणाऱ्या बिडन आणि मोदी यांच्या भेटीपुर्वीच २३ सप्टेंबरला पंतप्रधान मोदी आणि कमला हॅरिस यांची भेट होणार आहे. पंतप्रधान नरेंद्र मोदी आणि उपराष्ट्रपती कमला हॅरिस यांची ही पहिली भेट असून, यापुर्वी कोरोना महामारीच्या पार्श्वभुमिवर दोन्ही नेत्यांमध्ये फोनद्वारे चर्चा झाली होती. भारतीय वंशाच्या व्यक्ती असलेल्या हॅरिस या अमेरिकेच्या पहिल्या उपराष्ट्राध्यक्ष आहे.

पंतप्रधान नरेंद्र मोदी २४ तारखेला वॉशिंग्टनमधील क्वाड परिषदेत सहभागी होणार आहेत. त्यानंतर २५ सप्टेंबर रोजी ते संयुक्त राष्ट्रांच्या महासभेच्या ७६ व्या सत्रात भाषण करणार आहेत. यावेळी अमेरिकेचे राष्ट्राध्यक्ष जो बायडन यांच्यासह ऑस्ट्रेलियाचे पंतप्रधान स्कॉट मॉरिसन आणि जपानचे पंतप्रधान योशिहिडे सुगा यांची व्हाईट हाऊस येथे भेट घेणार आहेत. यापूर्वीची क्वाड परिषद १२ मार्च रोजी ऑनलाईन स्वरुपात पार पडली होती.

पंतप्रधानांचा हा दौरा महत्वाचा मानला जात आहे. कारण अफगाणिस्तानात तालिबानचं सरकार आल्याच्या पार्श्वभूमीवर जगानं तालिबान सरकारला मान्यता द्यायची कि नाही याबाबत विभागले आहे. चीनने यापूर्वी आपण तालिबान सरकारसोबत व्यवहाराला बांधिल आहोत असं म्हटलं होतं.