पाकिस्तानमधील एका राजकीय टॉक शोमध्ये धक्कादायक घडना घडली. शेमध्ये जेव्हा दोन नेत्यांमध्ये सुरू झालेला वाद मारहाणीपर्यंत पोहोचला. या घटनेचा व्हिडीओ सोशल मीडियावर व्हायरल झाला आहे. जावेद चौधरी यांनी होस्ट केलेल्या "कल तक" या लोकप्रिय पाकिस्तानी टॉक शोमध्ये हा वाद झाला होता.

इम्रान खान यांच्या पाकिस्तान तेहरीक-ए-इन्साफ (पीटीआय) शी संबंधित वकील शेर अफझल मारवत आणि नवाझ शरीफ यांच्या पाकिस्तान मुस्लिम लीग-नवाझ (पीएमएल-एन) चे सिनेटर अफनान उल्लाह हे दोन राजकारणी सामील होते. सिनेटर अफनान उल्लाह खान यांनी पीटीआय प्रमुख इम्रान खान यांच्यावर गैरवर्तणूक आणि लष्करी आस्थापनेशी गुप्त चर्चा केल्याचा आरोप केला. त्यावर झालेला वाद नियंत्रणाच्या बाहेर गेला होता.

या आरोपांना प्रत्युत्तर देताना मारवत यांनी मारहाण सुरू केली. त्यांच्या मारहाणीला खान यांनी प्रत्युत्तर दिल्यामुळे परिस्थिती आणखीनच बिघडली, ज्यामुळे थेट टेलिव्हिजनवर लाथा-बुक्क्यांचा शो पाहायला मिळाला. शोच्या क्रू आणि होस्टने त्यांना वेगळे करण्याचा प्रयत्न करूनही, भांडण सुरूच राहिले.