बँकॉक : भौतिकवाद, साम्यवाद आणि भांडवलवाद यांच्या प्रभावामुळे आणि प्रयोगांमध्ये संभ्रमित झालेल्या जगाला भारतच आनंदाचा आणि समाधानाचा मार्ग दाखवेल, असा विश्‍वास राष्ट्रीय स्वयंसेवक संघाचे सरसंघचालक मोहन भागवत (Mohan Bhagwat) यांनी व्यक्त केला.

थायलंडची राजधानी बँकॉक येथे भागवतांच्या उपस्थितीत काल तिसऱ्या जागतिक हिंदू संमेलनाचे उद्‌घाटन झाले. यावेळी भागवत म्हणाले,‘‘जगभरातील हिंदूंनी (Hindu) एकमेकांच्या संपर्कात राहणे आणि स्वत:ला जगाशी जोडणे आवश्‍यक आहे. हिंदू संघटित होण्यास सुरुवात होताच जगही संघटित होण्यास सुरुवात होईल.

आनंदी आणि समाधानी जगण्याचा विचार भारतच सर्वांना देऊ शकतो, हे सर्व जगाला समजले आहे. भौतिकवाद, भांडवलवाद आणि साम्यवाद यांच्यात होणाऱ्या प्रयोगांमध्ये संभ्रमात असलेले जग आता हिंदूवादाकडे आकर्षित होत आहे, असेही भागवत म्हणाले.