इंडोनेशिया: व्हिडिओसाठी प्रसिद्ध असलेल्या युट्यूबरवर त्याने एक व्हिडिओ अपलोड केला आणि तब्बल 23 लाखांहून अधिक नेटिझन्सनी तो व्हिडिओ पाहिला. विशेष म्हणजे तो फक्त कॅमेऱयाकडे बघत बसला होता. या व्हिडिओमध्ये दुसरे काही नव्हतेच.
सोशल मीडियावरील युट्यूब, इन्स्टाग्राम, फेसबुक हे सध्या झटपट प्रसिद्धी मिळवण्याचे एक व्यासपीठ आहे. या व्यासपीठाच्या माध्यमातून अनेकजण एका रात्रीत प्रसिद्धीच्या झोतात येताना दिसतात. असाच एक युवक काही न करता प्रसिद्धीच्या झोतात आला आहे. त्याने फक्त एक व्हिडिओ अपलोड केला आहे. '2 JAM nggak ngapa-ngapain' अर्थात 'काहीच न करण्याचे दोन तास' असे शीर्षक देत या युवकाने हा व्हिडिओ युट्यूबवर अपलोड केला. मोहम्मद दिदीत असे युवकाचे नाव आहे. 10 जुलै रोजी त्याने हा व्हिडिओ अपलोड केला होता. 23 लाख पेक्षा जास्त नेटिझन्सनी हा व्हिडिओ पाहिला आहे. व्हिडिओच्या डिस्क्रिप्शनमध्ये मुहम्मदने म्हटले आहे की, 'ओके, मी हा व्हिडिओ का केला याबाबत थोडे लिहिले पाहिजे. इंडोनेशियातील लोकांनी मला युवकांना शिक्षण देणारा व्हिडिओ शेअर करण्यासंदर्भात मागणी केली होती. शेवटी हा व्हिडिओ पोस्ट करत आहे. तुमच्यावर या व्हिडिओचे फायदे अवलंबून आहेत. माझी अपेक्षा आहे की, तुमचे मनोरंजन होईल आणि या व्हिडिओचा फायदा होईल'
व्हिडिओ व्हायरल झाल्यानंतर नेटिझन्सनी प्रतिक्रिया नोंदविण्यास सुरवात केली. 'युवक युट्यूबर चिंतन करत आहे.' 'जेव्हा तुमच्याकडे जगातील सर्वात मोकळा वेळ असतो,' युवकाच्या कल्पकतेचे कौतुक केले पाहिजे, अशा प्रकारे नेटिझन्स प्रतिक्रिया नोंदवताना दिसत आहे. विशेष म्हणजे, दोन तासाच्या या व्हिडिओमध्ये काहीही नाही. युवक फक्त कॅमेऱयाकडे पाहात आहे, तरीही 23 लाख नेटिझन्सनी हा व्हिडिओ पाहिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.