नागपूर : सुदृढ आरोग्यासाठी दात स्वच्छ करणे, त्यांची निगा राखणे हे अंत्यत गरजेचे आहे, हे आपल्याला माहिती आहे. त्यामुळे सकाळई उठल्याबरोबर आपण ब्रश करत असतो. पण, यावेळी दातांसोबत जीभ देखील स्वच्छ करणे तितकेच गरजेचे आहे. तुम्ही जर असे करत नसाल तर हे तुमच्यासाठी धोकादायक ठरू शकते. कारण फक्त दात स्च्छ केल्यानंतर त्यातील विषाणू जीभेवर जमतात. त्यामुळे जीभ स्वच्छ करणे गरजेचे आहे. जीभ स्वच्छ न केल्यास तुम्हाला किती आरोग्याचा समस्या ग्रासतील याचा तुम्ही विचारही नाही करू शकणार. जीभ स्वच्छ न केल्यामुळे काय काय समस्या निर्माण होतात हे आज आपण पाहुयात...

हेही वाचा - VIDEO : मराठी माणूस आहे देशातील सर्वात सुशिक्षित व्यक्ती, २० पदव्या मिळविणारं हे व्यक्तीमत्व आहे...

वयापूर्वीच दात पडणे -
तुम्ही दररोज सकाळी उठल्याबरोबर दात स्वच्छ करता. मात्र, याच दातांबरोबर जर जीभेची स्वच्छता करत नसाल तर वयापूर्वीच तुमचे दात पडू शकतात. कारण जीभेवर विषाणू जमलेले असतात. दातांसोबतच जीभेची स्वच्छता केल्यास दात पडण्यापासून सुटका मिळू शकते.

हिरड्या कमजोर होतात -
फक्त दातांची स्वच्छता केल्याने हिरड्या मजबूत होतात, असे नाही. दातांसोबतच जर जीभेची नियमित स्वच्छता करत असाल तर जीभेवर असणारे विषाणू मरतील आणि बाहेर फेकले जातील. असे न केल्यास ते विषाणू जीभे साचून घाण तयार होईल. त्यामुळे हिरड्या कमजोर होतील आणि दात देखील पडायला वेळ लागणार नाही.

हेही वाचा - VIDEO : भाजपचे माजी मंत्री पोलिसांना म्हणाले 'तुम्ही सरकारचे कुत्रे'; पाहा, पोलिसांनी...

जीभेवर फोडे येणे -
अनेकदा पोट साफ न झाल्यामुळे जीभेवर फोडे येतात. मात्र, तुम्हाला माहिती आहे का, की जीभ व्यवस्थित स्वच्छ न केल्यामुळे देखील जीभेवर फोडे येऊ शकतात? होय हे खर आहे. त्यासाठी दोनवेळा ब्रश करून दातांसोबतच जीभ स्वच्छ करणे गरजेचे आहे. त्यामुळे या समस्येपासून तुम्हाला कायमची सुटका मिळेल.

दुर्गंधी येणे -
काही खाल्ल्यानेच तोंडाचा वास येतो, असे आपल्याला वाटते. मात्र, जीभे व्यवस्थित स्वच्छ न केल्याने देखील तोंडी दुर्घंधी येऊ शकते. त्यामुळे दातांसोबत जीभेची नियमित काळजी घ्या. 

(डिसक्लेमर: वरील लेखात देण्यात आलेली माहिती ही सर्वसामान्य माहितीच्या आधारावर आहे. याबाबत अधिक माहितीसाठी तज्ज्ञांचा सल्ला घ्यावा.)